Астана маңында 300-ге жуық «проблемалық жер телімдері» бар. Солардың бірінің иесі Зифа Жакеева «сатып алған жері заңсыз болып шығады деп ойламағанын» айтады. Ал Бас прокуратура жиынында «жер митингілері себебі – үй салатын 10 сотық жер мәселесі болғаны» айтылды.
Астананың төрт тұрғыны саяжайдағы үйін ескертусіз күреп тастап, жеті сотық жер телімін басып алғаны үшін қала билігінен өтемақы талап етіп жүр. Жерді алу туралы қаулы екі жылдан кейін ғана шыққан.
Былтырғы су тасқынынан кейін Қарағанды облысындағы Сарытөбе шағын ауылында тіршілік біртіндеп қалпына келе бастаған. Кей тұрғындар жаңа үйге қоныстанған, әлгі үйлерде прогрестің нышаны - әжетхана мен жуынатын бөлме бар. Бірақ әлі шешілмеген проблемалар да көп.
«Шаңырақ ісі» бойынша сотталғандардың бірі, түрмеде отырғанына 10 жыл болған Ерғанат Тараншиевтің шартты жазамен ерте босатуды сұрауға болатын мерзімі жатті. Тұтқынның туыстарының айтуынша, жуырда олар Тараншиев мемлекетке «қарыз» екенін естіген.
Қазанның 10-ынан бастап «Тұрғын үй құрылысына үлеспен қатысу туралы» заң күшіне енді. Заң аясында «Бәйтерек» холдингі үлескерлерге тұрғын үй құрылысын аяқтау үшін кепілдік беру жүйесін іске қоспақ. Осы тақырыпты AzattyqLIVE заңгер Жандос Тұяқовпен талқылады.
Қарағанды облысындағы Көкпекті және Рабочий ауылдарының 20-дан аса тұрғыны 2014 жылы Көкпекті бөгеті бұзылғаннан келген зиянның өтемақысын үш жыл бойы өндірте алмай жүр. Облыстық сот өкілдерінің сөзінше, жапа шегушілер енді азаматтық сотқа жүгінуі тиіс.
Шымкентте жарылған кәріз коллекторы маңында бұзыла бастаған үйлердің тұрғындары «өтемақы төленбейтініне» наразы. Жергілікті билік бұзылған үйлердің иелеріне «көмек берілмейтінін» айтады.
Қоғамдық ұйым дерегінше, «Алматыда жастардың 14 пайызының ғана жеке баспанасы бар». Әлеуметтік сауалнамаға жастардың 35 пайызы «баспана мен жұмыс болмағандықтан, отбасын құра алмай жүрмін» деп жауап берген.
Оңтүстік Қазақстан облысы Сарыағаш ауданы Достық ауылы тұрғындары «шекара түбінде күн көру қауіпті әрі қиын», өздерінің «түгел жұмыссыз» екенін айтады. Жергілікті билік өкілі «тұрғындар тұрмысы орташа, оларды көшіруге жер бөлінген» дейді.
Маңғыстаудағы оралмандар әкімдік берген үйлердің сапасына наразы болып, құнын төмендетуді талап етті. Аудан әкімдігі қарызын төлемеген адамдарға үйді босату туралы ескерту тарата бастады.
Батыс Қазақстан облысы Ақсай қаласында 200-ден астам адам «апат жағдайында» деп танылған жатақханада тұрады. Жергілікті билік «баспана салып береміз» деген уәдемен тұрғындарды шығаруға тырысып жүр. Бірақ кепілдік талап еткен тұрғындар көшуге асығар емес.
Сот шешімімен жатақханадан шығарылмақ тұрғындар Астана әкімдігінен көмек сұрады. Саяжайдағы жерлері мен үйлерін мемлекет қажетіне алған әкімдік кезінде оларды жатақханаға орналастырған. Ал қоғам белсендісі әкімдіктің оларды «әуел баста алдап кеткенін» айтады.
Тағы
