Қазақстан мәжілісі бір аптаның ішінде екі рет оқылым өткізіп, Қауіпсіздік кеңесі туралы заң жобасын мақұлдады. Құжатта Қауіпсіздік кеңесінің мәртебесін арттырып, елдің тұңғыш президентіне бұл органды өмір бойы басқару құқығын беру қарастырылған. Кей сарапшылар заң жобасы - билікті бір қолға «әлі де көбірек» шоғырландыруға тырысу деп санаса, енді біреулері бұл – "президент өкілеттігін қайта бөлу" деп мәлімдейді.
Екі жыл бұрын Қазақстан аймақтарында "жер митингілері" өтті. Мыңдаған адам қатысқан ең ірі митинг 2016 жылғы сәуірде елдің батысындағы Атырау қаласында болды. Бұл наразылық акциясы 1986 жылы Алматыдағы Желтоқсан оқиғасынан кейінгі ең ауқымды акцияға айналды. Бірақ елде наразылық белсенділік деңгейі жоғары деуге келмейді. Азаттық сарапшылардан қазақстандықтар 1991 жылдан бері не үшін наразылық білдірген еді және қазір наразылық деңгейі неге төмендеп кеткенін талдап беруді сұраған еді.
Ресейде жақында баспадан жарық көрген "Енисей немістері. Отбасылық тарих" ("Енисейские немцы. Семейные истории") кітабына Красноярск өлкесіне депортацияланған немістерден алынған 40 сұхбат енген. 2003-2007 жылдары олардың әңгімесін өлкенің шалғай ауылдарына арнайы экспедициямен барған Енисей педагогикалық колледжі студенттері жазып алған.
Астананың қолы жетпейтін жерде тұрып жатқан бұрынғы қазақстандық банкир Мұхтар Әблязовтің билік қалыптастырған "жау" бейнесінің сипаты кейінгі кезде өзгеріп барады. Билік бұған дейін экономикалық қылмыс жасады деп айыппен сырттай соттаған Әблязовті енді "адам өлтіруге тапсырыс беруші" ретінде және экстремизмге қатысты айыптап жатыр.
1988 жылы Қазақстан алғаш рет Наурыз мерекесін ресми атап өтті. Түрлі естеліктерге қарағанда, бұрын тыйым салынған мерекені қалпына келтіру жөніндегі қоғамдық бастамаларды алғаш рет Қазақстан компартиясы орталық комитетінің хатшысы Өзбекәлі Жәнібеков қолдаған.
Анасы, халықаралық құқық қорғау ұйымдары және қазақстандық жұртшылық өкілдері "Қазатомпромның" түрмеде отырған экс-президенті Мұхтар Жәкішевке рақымшылық жасауды сұрайды. Билік рақымшылық жасау үшін президенттің атына Жәкішевтің өзі өтініш жазуы тиіс деп санайды.
74 жыл бұрын совет үкіметі жүздеген мың шешен мен ингушты "оккупанттармен ауыз жаласты" деп айыптап, Солтүстік Кавказдан депортациялаған болатын. Жер аударылғандардың көбі Қазақстанға түпкілікті қоныстанды. Арада ондаған жылдар өтті, депортация сұмдықтарын бастан кешірген жандардың көбі қазір о дүниелік болған, бірақ ата-бабалары тартқан тауқыметті ұрпақтары ұмытпайды.
Құқық қорғаушылар мен саясаткерлер "ТұранӘлем" банкінің тең қожайыны Ержан Тәтішевті қастандықпен өлтіру ісін қайта қараудың астарында саяси себеп бар деп санайды. Былтыр күзге дейін тергеушілер "аң аулап жүргенде болған жазатайым оқиға" санап келген банкирдің өлімін, арада 13 жыл өткенде, қазір шетелде тұратын әрі өзін Қазақстанның қазіргі президентінің бітіспес жауы деп атайтын бұрынғы банкир Мұхтар Әблязовтің тапсырысы ретінде көрсетуге тырысып жатыр.
Қазақстанда тағы да монархия орнату идеясын ұсынатындар шыға бастады. Бұл жолы жас ақын Балтабек Нұрғалиев осындай ұсыныс тастады. Бірқатар қазақстандық БАҚ-қа сұхбат берген Нұрғалиев «елді тек Назарбаевтар династиясы басқаруы керек» деп мәлімдеді. Азаттық Қазақстанда монархия орнатайық деген басқа да бастамашыларды еске түсіріп, бұған қатысты сарапшылардың пікірін тыңдады.
12 жыл бойы түрмеде отырған ақын әрі диссидент Арон Атабек 65 жасқа толды. Оған барған құқыққорғаушылар ақынның шартты түрде мерзімінен бұрын босату немесе жазасын жеңілдетуді сұрап өтініш беру ойына кіріп шықпайтынын айтады. Достары мен таныстары Атабектің сан қырлы тұлға екенін айтса, құқыққорғаушылар оның төзімділігіне тәнті болады.
Алаш қайраткерлерінің шығармашылық мұраларын ақтау процесінің басталғанына биыл отыз жыл толады. Зерттеушілер саяси қуғын-сүргін құрбандарын ақтау үрдісі Мәскеуде басталғанына қарамастан Қазақстанда оған байланысты айтыс-тартыс көп болғанын айтады.
Сарапшылар "Алаш" автономиясының жарияланғанына жүз жыл толуына байланысты парламенттік тыңдаудың болмағанына өкініш білдіріп, орындалуға тиісті шараларды атап шықты.
Тағы