Ескі Азаттық

шілде 17, 2004

Журналист Асхат Шәріпжанов белгісіз жағдайда жол апатына ұшырады

Жұма күні кешкі сағат онда жұмысынан шыққанда Асхат Шәріпжановты Алматы қаласының көшесінде мәшине қағып кетті.

наурыз 25, 2004

Марста бір кездері өмірдің болғандығына дәлелдер табылуда.

Марста бір кездері өмір болған деген тұжырымды дәлелдеу бағытында АҚШ-тың ғарышты зерттеуші ғалымдары тағы бір, аса маңызды қадам жасап отыр.

наурыз 24, 2004

Президенттің дәстүрлі жолдауы Қазақстандағы әлеуметтік, экономикалық және саяси ахуалдың түзелуіне оң ықпалын тигізе ала ма?

Президент Нұрсұлтан Назарбаев 19 наурыз күні Қазақстан жұртшылығының алдында өзінің кезекті Жолдауын жасағаны белгілі. Наурыздың 24 күні «Асар» партиясының ұйымдастыруымен жиналған президентшіл партиялардың өкілдері мемлекет басшысының жолдауын талқылады. Олар бұл жолдаудың Қазақстанның саяси және экономикалық ахуалын жақсартуға оң ықпалын тигізетіндігін атап өтті.

наурыз 22, 2004

Билік басындағы соңғы өзгертулердің себебі неліктен?

Наурыздың 20 күні мемлекет басшысы Нұрсұлтан Назарбаевтың Қостанай облысының әкімі қызметіне Сергей Кулагинді, Астана қаласы әкімі қызметіне Өмірзақ Шүкеевті, Ақмола облысының әкімі қызметіне Мәжит Есенбаевты, сондай-ақ экономикалық және сыбайлас жемқорлыққа қарсы күрес жөніндегі Агенттіктің басшысы қызметіне Сарыбай Қалмырзаевты тағайындағаны белгілі.

наурыз 19, 2004

Қазақстанның мұнай-газ саласындағы кәсіпорындар жаңа салық жүйесіне наразы

Қазақстанның мұнай-газ саласындағы кәсіпорындар, соның ішінде шетелдік компаниялар Қазақстанның жаңа салық жүйесіне бүгін өткен халықаралық жиында өз наразылықтарын білдірді.

наурыз 18, 2004

Қазақстанның Монополияға қарсы агенттігімен “Петро-Қазақстан” фирмасы арасындағы сот ісі аяқталды.

Республиканың жоғарғы сотының шешімімен, Қазақстан тарихында тұңғыш рет, баға келісімін жүргізгені үшін, мұнай өңдеуші кәсіпорын республика бюджетіне жарты млрд. теңге көлемінде айыппұл төлейтін болды.

наурыз 18, 2004

Биылғы жылдан бастап оралман отбасының әр мүшесіне баспана орнына көмек қаржы беріледі

«Оралмандар Астанаға қоныстануға аса қызығушылық танытуда» »,- дейді Астана қаласы бойынша Көші-қон және демография жөніндегі басқарманың бөлім бастығы Бейімбет Үсіпбек. Бірақ, өткен жылы мұнда 94 отбасы квотамен келсе, биыл 60 отбасына ғана квота беріледі.

наурыз 17, 2004

Ақтөбелік «Диапазон» газетінің құрылтайшысы бір жыл мерзімге

Ақтөбе қалалық сотының төрағасы Айдабек Сейдуллаев «Диапазон» газетінің құрылтайшысы Владимир Михайлов сот шешімін орындамай, қоғам үшін аса қауіп төндіріп отыр деген айыппен оны бір жыл бас бостандығынан айыру жөнінде үкім шығарып, Владимир Михайловты сот залынан бірден қамауға әкетті деп хабарлады сәрсенбі күні сөз бостандығын қорғау жөніндегі «Әділ сөз» халықаралық қоры.

наурыз 17, 2004

Қазақстан мен Украина арасында “Одесса-Броды” мұнай құбырын бірігіп пайдалану туралы келісім жобасы жасалды.

Украинанның Қазақстандағы елшісі бұқаралық ақпарат құралдары өкілдерімен кездесуінде мұнай саласындағы екі жақты қарым-қатынастың ілгерілей түскенін мәлімдеді. “Бірінші кезде, “Одесса-Броды” мұнайқұбыры қазақстаннан 9 млн тонна мұнай қабылдауға дайын”,-деді Украинаның Қазақстандағы елшісі Василь Цибенко.

наурыз 16, 2004

Еурокомиссияның сыртқы байланыс жөніндегі комиссары Кристофер Паттен мырза Ғалымжан Жақиянов пен Сергей Дуванов төңірегіндегі мәселелердің оң шешімін табатындығына сенімді екендігін білдірді.

Наурыздың 15 күні Еурокомиссияның сыртқы істер жөніндегі комиссары Критофер Паттен мелекеттік емес ұйымдардың өкілдерімен кездескеннен кейін, бұқаралық ақпарат құралдары өкілдерінің алдында мәлімдеме жасады. Критофер Паттен мырза өз сөзінде жаһандану дәуірі кезінде есірткі тасымалына, сондай-ақ терроризмгe қарсы күресті күшейту қажеттілігіне де тоқталып өтті. Оның айтуынша жаһандану дәуіріне кіру үшін мұндай келеңсіз құбылыстардан құтылған абзал.

қаңтар 31, 2004

Елші К.Паскуаль: «Оппозицияға өз пікірін білдіруіне мүмкіндік жасалуы тиіс»

Жұма күні Қазақстан астанасына АҚШ үкіметінің Еуропа және Еуразия елдеріне жәрдем көрсету жөніндегі үйлестірушісі, елші Карлос Паскуаль мен АҚШ Халықаралық даму агенттігінің (USAID) Еуропа және Еуразия жөніндегі басқарушысының көмекшісі, доктор Кент Хилл келді. Баспасөз өкілдерімен болған кездесуде елші Карлос Паскуаль Қазақстан қоғамын демократияландыруда оппозицияның рөлі маңызды болғандықтан оппозицияның өз пікірін айтуға мүмкіндігі болуы тиістігін атап айтты. Бұл орайда американ елшісі Қазақстан сотының үкімі бойынша қылмысты деп танылып, сотталған журналист Сергей Дуванов пен қазірде түрмеде отырған, «Қазақстанның Демократиялық таңдауы» қозғалысын құрушылардың бірі, бұрынғы облыс әкімі Ғалымжан Жақияновтың істерін атады.