ЕСКІ АЗАТТЫҚ (6/2003-7/2008)

Әлемде мұнай бағасының өзгеруі Қазақстанның бюджетіне тікелей әсер етеді

ОПЕК сарапшыларының болжауынша, 2005 жылы мұнайдың әлемдік бағасы едәуір түсіп, бір баррель мұнай 30-35 доллар шамасында болуы мүмкін. Бюджеті әлемдік мұнай бағасы негізінде түзілетін Қазақстан экономикасына мұның қандай әсері болмақ?

Қазақстан мол табыс беретін кремний өндірісін дамытуды жоспарлап отыр

Цунамиден зардап шеккендерге уәде етілген қыруар көмек іс жүзіне аса қоя ма екен?

Оңтүстік Азияда цунами апатынан зардап шеккен елдерге әлем қауымдастығы шамамен екі миллиард доллар сомасына көмек көрсетуге уәде етті. Соңғы үлкен апаттардағы жағдай көрсетіп отырғандай, нақты көрсетілетін көмектің көлемі уәде етілгеннен екі есе, тіпті оданда аз болып қалады.

Еуропа одағы цунами апаты аймағына көбірек көмек жолдап жатыр

Бейсенбіде Индонезия астанасында оңтүстік-шығыс Азияда цунами апатына тап болған елдердің басшылары кездесетін болды. Еуропа одағы жиынға жоғары дәрежелі делегация жолдап, апат аймағына 240 миллион еуроның жәрдемін бермек.

Қажылық сапар шегудің биылғы ерекшеліктері

Енді бір аптадан кейін Қазақстан мұсылмандары исламның 5 парызының бірі – қажылық міндетін өтеу үшін Меккеге аттанбақ. Қазақстан мұсылмандары діни басқармасы өкілдерінің айтуынша, Сауд Арабиясы Қазақстан азаматтары үшін жыл сайын 10 мың адамға квота бөледі.

Қазақстанның 57 азаматы табиғи апат болған аймақтан оралды

Қаңтардың 4-і күні Оңтүстік Шығыс Азиядағы табиғи апаттан зардап шеккен аймақтарда болған Қазақстан азаматтарының тағы бір тобы Бангкок арқылы Алматыға жеткізілді.

Ресейдің Қазақстандағы жылы қалай өтті?

2004 жыл Ресейдің Қазақстандағы жылы болып жарияланғаны белгілі. Бұл екі елдің арасындағы қарым-қатынастың жақсаруына ықпал етті ме?

Сырдария өзені тасып, аймақтағы елді мекендерге қауіп төндірді

Сыр өзені тағы да арнасынан асып, жағалауға жақын маңдағы Абылай, Қалжан ахун елді мекендеріне және Жалағаш-Қармақшы тас жолының бір бөлігіне су жайылған. Ауыл шаруашылығы министрі Серік Үмбетов жаңа жылдың алдында ғана ондай қауіп жоқ деген еді.

Қарағандылық өнертапқыш өндіріс қалдықтарын іске жарататын қондырғы жасады

Қарағанды тұрғыны Александр Борисенко өндіріс мұржаларынан шығатын түтін қалдықтарын ауаға тазартып шығаратын және түтіндегі қалдықтарды одан әрі пайдалануға арналған қондырғы ойлап тапты. Ол зауыттарда тәжірибе ретінде сынақтан өткізілген.

Астанада бес қабатты тұрғын үйдегі өрттен 17 отбасы зардап шекті

2005 жылдың алғашқы күні сағат 6:39-да Астанадағы «Орбита» сауда орталығында өрт шықты. Лезде лаулаған жалын 56 пәтерлік тұрғын үйдің терезелерін шарпып, 24 пәтердің терезесі жарамсыз болып қалды, 6 пәтерде үй мүліктері ішінәрі жанып кетті. Әйтеуір адамдар аман.

Қазақстан Шри Ланкаға 45 тонна қайырымдылық көмегін жөнелтті

Қаңтардың 3-і күні Қарағандының әуежайынан азық-түлік, дәрі-дәрмек пен гигиеналық заттардан тұратын қайырымдылық жүгін тиеген ұшақ Шри Ланкаға бет алды.

Германияның табиғат қорғаушылары киік туралы мульфильм түсірмек

Бұдан 15 жылдай бұрын ғана Қазақстанның жартылай шөлейт аймақтарында мың-мыңдап кездесетін киіктер құрып кету алдында тұр. 1991 жылғы санақ бойынша 1 миллион 200 мың болса, бүгінде 30 мыңға жуықтайды. Осы мәселеге алаңдаушылық білдірген Германияның табиғат қорғаушылары киік қасыретін суреттейтін мультипликациялық фильм түсіруді қолға алып отыр.