ЕСКІ АЗАТТЫҚ (6/2003-7/2008)

• наурыз 24, 2005

  Алматыда ақша таситындарға шабуылдан екі адам қаза тапты

  Наурыздың 24 күні Алматының орталығындағы ақша айырбастау орындарының бірінің алдында инкассаторларға жасалған шабуылдан 2 адам оққа ұшып, бір адам жарақаттанды. Қазір полиция тергеу жұмыстарын жүргізіп жатыр. Шабуыл жасағандардың қанша ақша әкеткені белгісіз.

• наурыз 24, 2005

  Бішкекте халық Ақаевтың сарайын басып алып, Құловты түрмеден шығарды

  Қырғызстанда билікке наразы жұрт көтеріліп, 24 наурызда президент Асқар Ақаевтың сарайын басып алып, түрмеде отырған оппозиция басшысы Феликс Құловты азат етті. Құлов қолма-қол Бішкекке келіп, теледидар арқылы халыққа үндеу жасады. Әлем ақпарат бұлақтары Қырғызстанда демократиялық революция болды деп сипаттап жатыр.

• наурыз 24, 2005

  Қазақстанда жұбайлардың 15 пайызында ұрпақ өрбіту мүмкіндігі жоқ

  Мұның себебін олардың арасында бедеулік пен белсіздіктің көп кездесетіндігімен түсіндіретін мамандар, үрдіске айналып бара жатқан бұл құбылыстың соңы халықты демографиялық тұрғыдан қартайтып жіберуі мүмкін екендігін ескертеді.

• наурыз 24, 2005

  Қазақстанда «Жасыл ел» бағдарламасы қолға алынады

  Қазақстанның білім және ғылым министрлігі ауыл шаруашылығы министрлігімен бірлесіп 2005-2007 жылдарға арналған «Жасыл ел» бағдарламасын дайындады. Бағдарлама жастарды еңбекке баулу, қоршаған орта - табиғатты аялау және отансүйгіштікке тәрбиелеу мақсатын көздейді.

• наурыз 24, 2005

  Баспасөзге шолу. 24 наурыз 2005 жыл

  Бейсенбі күнгі газеттерде Қырғыстанда болып жатқан оқиғаларға байланысты мақалалар жарық көріпті. “Ферғана ру” сайтында Қырғыстандағы жалпы көтеріліс орын алған аймақтарда қырғыз сақшыларымен қатар, қазақ тәртіп сақшыларының да бой көтеріп қалғандығы туралы деректің жарияланғандығы айтылыпты.

• наурыз 24, 2005

  Қазақстан мен Ресейдің әскери күштерді бірлесе қолдануы заңмен бекітілді

  Наурыздың 24-і күні Қазақстан мен Ресей арасында әскери күштерді бірлесе қолдануды жоспарлау туралы келісім бекітілді. Келісім екі елдің қорғаныс, қауіпсіздік мақсаттары үшін күш біріктіруді көздейді.

• наурыз 24, 2005

  Қазақстандағы нашақорлардың басым бөлігі 30-ға жетпеген жастар

  Қазақстан нашақорлықпен күрес саласында айтарлықтай жұмыс жүргізіп жатқанымен, Ауғанстаннан героин мен апиынның Ресей мен Еуропаға жеткізілетін негізгі маршруттық дәліз болып қала бермек.

• наурыз 24, 2005

  Ақпарат комитеті «Республика» газетінің иесін сотқа берді

  Бейсенбі күні Қазақстандағы санаулы оппозициялық басылымдардың бірі саналатын «Республика» апталығы бас редакторының орынбасары Галина Дырдина осы газеттің меншік иесі «Бастау» жауапкершілігі шектеулі серіктестігін Қазақстанның мәдениет, ақпарат және спорт министрлігінің ақпарат комитеті сотқа бергендігін хабарлады.

• наурыз 23, 2005

  АҚШ елшісі Алматыда журналистермен кездесті

  Сәрсенбі күні Алматыда Қазақстандағы АҚШ тың өкілетті әрі төтенше елшісі Джон Ордвей қазақстандық және осы елдегі шетелдік бұқаралық ақпарат құралдары өкілдерімен кездесіп, журналистердің сұрақтарына жауап берді.

• наурыз 23, 2005

  АҚШ Қырғызстандағы күш қолдануды айыптайды, бірақ сөз бостандығын қолдайды

  АҚШ үкіметі бұған дейін Қырғызстанда өткен парламенттік сайлауларға байланысты орын алып жатқан наразылық шерулерге орай өз пікірін білдірмеген болатын. Жексенбі күні АҚШ мелекеттік департаменті Қырғызстан елін бұл мәселені диалог арқылы шешуге шақырды. Бірақ сейсенбі күні журналисттер департамент өкілін қалыптасқан жағдайға байланысты нақты мәлімдеме жасауын сұрады.

• наурыз 23, 2005

  Туберкулезді емдейтін жаңа дәрілер табылды

  Көкірек ауруы - аса қатерлі дерт. Бірақ оны емдеуге болады. Толық емдеуден өту мерзімі - 6 ай. Аурулардың барлығы бірдей мұндай ұзақ мерзімдік емделуден өтуге шыдай бермейді. Ал ғалымдар болса емдеу уақыты ұзаққа созылмайтын дәрілердің жаңа түрін ойлап тапты. Наурыздың 24-і туберкулезбен күрестің халықаралық күні деп жарияланып отыр.

• наурыз 23, 2005

  Алжирде араб елдерінің жетекшілері жиналмақшы

  Сейсенбі күні Таяу Шығыс пен Солтүстік Африканы қамтитын араб елдері лигасының 2 күндік жиыны басталады. Араб елдері “Бейрут бастамасы” деп аталатын бейбіт ұсынысын тағы да талдамақшы.

Тағы