ЕСКІ АЗАТТЫҚ (6/2003-7/2008)

• наурыз 23, 2005

  Қазақстанда жасөспірімдердің құқық бұзуы азаймай отыр

  Қазақстандық жасөспірімдер арасындағы қылмыстың саны 4 пайызға өсіп отыр. Мамандар мұндай көрсеткіштің себебін әлеуметтік жағдайдан іздестіру керек десе, жастардың өздері жасөспірімдерді қылмысқа итермелейтін қоғамдық орта деген пікір білдіреді.

• наурыз 23, 2005

  БҰҰ адам құқықтары комитеті Өзбекстанды сынады

  БҰҰ жанындағы адам құқықтарын қорғау комитеті Өзбекстанда адам құқықтарының бұзылып отырғандығын айтады. Тән және жан қинаулары, адамдарды өлтіру, әйелдерге қарсы қолданылатын зорлық-зомбылықтар, сондай-ақ түрмедегі жантүршіктірерлік жағдайлар тәуелсіз сарапшылардың сынына ұшырады.

• наурыз 23, 2005

  Су - тіршілік көзі

  Адамзат та, табиғат та сусыз өмір сүре алмайтындығы ақиқат шындық. Бірақ әлем халқы көбейген сайын, экология мәселесі туындаған сайын таза су тапшылығы да байқала бастады. Бұл әсіресе Орта Азия елдеріне тән құбылыс.

• наурыз 23, 2005

  Астана мектептері оқушыларды ұлттық тест сынағына дайындап жатыр

  Қазақстанның жоғарғы оқу орындары мектептердегі оқушыларды ұлттық тестілік сынақтан өткізуге дайындауда. Көптеген мектептерде еңбек, дене шынықтыру, алғашқы әскери дайындық секілді сабақтардың уақыты қысқартылып оның орнына ұлттық тестілеуге енгізілетін пәндердің қосымша уақыты ұлғайтылды.

• наурыз 23, 2005

  Грузия мен Абхазия бейбіт келіссөздері жалғастырады

  БҰҰ-ның бейбітшілік сақтау бойынша ресми өкілдері сөзіне қарағанда Грузия мен жікшілдік бағыттағы Абхазия басшылары тоқтап қалған бейбіт келіссөздерді қайта жандандыруға әзір отыр. БҰҰ өкілі Жан-Мари Гуено қауіпсіздік кеңесіне дүйсенбі күні білдірген пікірінде екі жақтың да практикалық мәселелер бойынша келіссөздер жүргізуге әзір екендіктерін айтқан болатын.

• наурыз 22, 2005

  Кофи Аннан БҰҰ-ын реформалауды қолдауға шақырды

  БҰҰ бас хатшысы Кофи Аннан халықаралық қауымдастықты БҰҰ-ның қауіпсіздік пен адам құқықтарын қорғауға қатысты құрылымдарын түбегейлі өзгерту реформасын қолдауға шақырды.

• наурыз 22, 2005

  Қазақстандық «Қаһар» қозғалысы украиндық «Пора» ұйымының іс-тәжірибесімен танысты

  Қазақстандық "Қаһар" жастар қозғалысының шақыруымен Алматыға келген украиналық "Пора" азаматтық қозғалысы жетекшілерінің бірі Михаил Свистовичнің "Қаһар" қозғалысының мүшелерімен өткізген семинары наурыздың 21-і күні аяқталды.

• наурыз 21, 2005

  Қырғызстандағы ахуал ширығып барады

  «Ферғана ру» интернет парақшасында Қырғызстанның Жалалабадында билікке қарсы көтерілген халықты күшпен басу үшін жіберілген арнайы бөлімшенің қызметкерлері Қазақстаннан келген деген ақпарат жарияланған еді. Қазақстан ішкі істер министрлігі баспасөз қызметінің өкілі бұл ақпаратты жоққа шығарды.

• наурыз 21, 2005

  Білім министрлігі бастапқы әскери дайындық сағаттарын екі есеге ұлғайтты

  Қазақстанның білім министрлігі жоғары сынып оқушылары үшін, бастапқы әскери дайындық сағаттарын екі есеге ұлғайтты. Қазір, бұл пән сабақтары аптасына бір рет емес, екі рет өтетін болған.

• наурыз 21, 2005

  Қазақстан тау-кен кәсіпорындары жұмысшыларының кәсіподағы съезд өткізбек

  Сәуірдің басында Қазақстан тау-кен металлургия кәсіпкерлерінің кәсіподағы республикалық съезін өткізбек. Онда шетел инвесторлары қарамағындағы комбинаттар бойынша келісім-шартты қайта қарау мәселесі күн тәртібіне қойылмақ. Бұл туралы наурыздың 21-і күні Азаттық радиосына Қазақстанның тау-кен металлургия кәсіпорындары жұмысшылары кәсіподағының төрағасы Қайдауыл Шүменов мәлім етті.

• наурыз 20, 2005

  Қазақ оппозициясы Жармахан Тұяқбайды президенттікке бірегей кандидат етіп таңдады

  Наурыздың 20-сы күні Қазақстанның демократиялық күштері алдағы президент сайлауына өздерінен бірегей кандидат етіп парламентінің экс-спикері Жармахан Тұяқбайды үсынуды қолдап дауыс береді. Тұяқбай президент болу үшін бар күшін салатынын мәлімдеді.

• наурыз 20, 2005

  Журналистпен соттасқан Арқалық қаласының әкімі қызметінен кетті

  Наурыздың 18-і күні Қостанай облысы әкімінің өкімімен Арқалық қаласына жаңа әкім тағайындалды. Ресми хабар бойынша, Арқалық қаласының бұрынғы әкімі Жомарт Түбекбаев қызметінен өз еркімен кеткен.

Тағы