АЙМАҚ ХАБАРЛАРЫ

• қаңтар 02, 2021

  "Мемлекетке жаның ашымай ма?" Үстемақы сұраған медқызметкерге қысым жасайды

  Семейде жедел жәрдем станциясының қызметкерлері жұмыс жағдайына және коронавирусқа қарсы күреске қатысқан медицина қызметкерлеріне үстемақы төленбегеніне шағынады. Олар осы мәселені көтергені үшін қысым көріп жатқанын айтады.

• желтоқсан 25, 2020

  "Таза ауаға зармыз". Тұрғындар цемент зауытынан ығыр болғанын айтады

  Семейдегі цемент зауыты тұрған ауданның халқы кәсіпорыннан шыққан шаң-тозаң мен өткір иістен жапа шегіп отырғанына шағынады. Ресми мәліметте зауыттан ауаға тарайтын зиянды заттар шекті мөлшерден аспайды деп көрсетілген. Ал тұрғындар терезені ашса, үйінің ішін цемент шаң-тозаң басып қалатынын айтады.

• желтоқсан 23, 2020

  Мыс кенішіне бола жүздеген отбасыны көшуге мәжбүрледі

  Қарағанды облысының бірнеше ауылында тұратын үш мыңға жуық отбасының жерін "мемлекет қажетіне" алып жатыр. Ол жерде "Қазақмыс" корпорациясы мыс өндірмекші. Тұрғындар үй-жайына мемлекет "лайықты өтемақы" төлемей отырғанын айтады.

• желтоқсан 14, 2020

  "Бір тиын алмадық". Кәсіпкерлерге жарылыстан бүлінген мүлкіне өтемақы берілмеді

  2019 жылы Түркістан облысы Арыс қаласында әскери оқ-дәрі қоймасы жарылып, ондағы снаряд мыңдаған үй мен ғимаратты бүлдірді. Төрт адам қаза тауып, қала тұрғындары үй-жайын тастап көшуге мәжбүр болды. Содан бері 1,5 жыл өтсе де, ондаған кәсіпкердің бүлінген мүлкі әлі жөнделмеген.

• желтоқсан 11, 2020

  "Жалақыны жырымдап береді". Мұғалімнің еңбекақыны үш бөліп алуына кім кінәлі?

  Ақмола мен Алматы облыстарында мұғалімдердің жалақысын кешіктіріп, бөліп төлейтіні жиі айтылып жүр. Бұған мұғалім жалақысының үш жерден – аудандық, облыстық және республикалық бюджеттен құралуы себеп дейді білім саласы шенеуніктері. Ұстаздар көптен бері осының зардабын тартып жүргеніне шағынады.

• желтоқсан 11, 2020

  Негізгі күдікті абақтыда өлді. Іс сотқа жетті

  Сәтбаев қаласында биыл жазда елдің дүрлігуіне себеп болған жас баланы зорлау ісі бойынша қозғалған қылмыстық іс сотқа жетті. Айып тағылған екі кісі абақтыда отыр. Ал негізгі айыпталушы сотқа жетпей қайтыс болды. Бұдан бөлек "жаппай тәртіпсіздік" ісі бойынша ондаған адам күдікке ілінген.

• желтоқсан 04, 2020

  Бурабайдағы "депутат қалашығы". Шенеуніктер ұлттық парк жерін сатуға дәнігіп алды

  Жүздеген мың қазақстандық жеке тұрғын үй салуға мемлекеттен тегін 10 сотық жер алу үшін жылдар бойы кезекте тұрады. Әкімдіктер әртүрлі сылтау айтып, жер бермейді. Ал ұлттық парк аумағына депутаттарға тиесілі зәулім үйлер еш қиындықсыз салынады.

• желтоқсан 02, 2020

  Өндірісте денсаулықтан айырылған кеншілер төлемді қайта есептеуді талап етеді

  Өндірісте мүгедек болып қалған бір топ шахтер денсаулығына нұқсан келуіне байланысты төленетін ақшаны көбейтуді талап қылды. Сот олардың өтінішін сот қанағаттандырмады. "АрселорМиттал Теміртау" компаниясы төлем мөлшері заңға сай дейді. Сарапшы компания мүгедектер құқығын бұзып отыр деп есептейді.

• қараша 25, 2020

  "Екі жерде тапсырған ПТР тест қорытындысы екі түрлі шықты". Сыры неде?

  ПТР тест қорытындысының қате болып шығуының сыры неде? Мамандар мұның себебін Қазақстанда диагностикалық әлеует төмен, адам факторы да бар және сынама салынған құтыға сырттан вирус жұғуы да мүмкін деп түсіндіреді.

• қараша 24, 2020

  Жөндеу құны жеті млрд теңгеге жеткен әуежайда жолаушы далада қалтырайды

  Орал әуежайы екі жылға созылған күрделі жөндеуден соң түгелдей сүріліп, билік оны қайтадан салу керек деген шешім қабылдаған. Инвестиция көлемі екі есе артқан ғимарат 2021 жылдың соңында пайдалануға берілмек. Ал жолаушылар әзірге рейсін тар бөлмеде немесе далада күтуге мәжбүр.

• қазан 31, 2020

  Депутаттың шамына тиген мақала. "Жала жабу" бабы жаңарғаннан кейінгі алғашқы іс

  Шығыс Қазақстан облыстық мәслихатының депутаты Юлия Миронова журналист Жанар Асылханованы "жала жапты" деп айыптап, полицияға арыз жазды. Бұл - биыл маусымда "жала жабу" бабы Қылмыстық кодекстен Әкімшілік кодекске ауыстырылғаннан кейін елде ақпарат құралы өкіліне қарсы қозғалған алғашқы іс.

• қазан 26, 2020

  Сағатына 358 теңге. Мүгедектер жеке көмекшісіне ақының дұрыс төленбейтінін айтады

  Атырау облысында жеке көмекші қызметіне мұқтаж бірінші топтағы 843 мүгедек бар. Олардың кейбірі жеке көмекшісіне бюджеттен төленетін еңбекақы бірнеше ай бойы жартылай ғана беріліп, кейін мүлдем тоқтап қалғанын айтады. Жалақыға жауапты мекеме мәселе құжаттың дұрыс толтырылмауында дейді.

Тағы