АЙМАҚ ХАБАРЛАРЫ

"Төрт қабырғаға қамалып отыр". Даун синдромы бар баланың өмірі

Ақтөбеде Даун синдромы диагнозы қойылған 200-ден аса бала мен жас адам бар. Бірақ қалада осы балаларды оңалтуға арналған мемлекеттік мекеме жоқ, сондықтан ата-ана баласын ақылы оңалту орталыққа апаруға мәжбүр. Алайда шіркеудің бір бұрышында ашылған жеке орталықта логопед, дефектолог маман тапшы. Азаттық сөйлескен ата-аналар Даун синдромы диагнозы қойылған балаларының қоғамға бейімделуі қиын екенін айтады.

"Отбасымды көрмегелі үш апта болды". Су тасыған өңірге көмектесіп жүргендердің әңгімесі

"Оқушы қызды жәбірлеген". Зағамбар ауылында не болды?

Түркістан облысындағы Зағамбар ауылын екі күннен бері полиция арнайы жасағы күзетіп тұр. "Оқушы қызды зорлаған" деген хабар тараған соң ауылда бірнеше көлік пен қора өртенген. Облыстық полиция "кәмелетке толмағанға қатысты жыныстық сипаттағы заңсыз әрекет фактісі" бойынша іс қозғалып, мектеп оқушысы қамауға алынғанын мәлімдеді. Азаттық тілшісі Зағамбарға барып, ауыл адамдарымен сөйлесті.

Кеніш үстіндегі Зайсан ауданының ауылдары неге газбен қамтылмай қалды?

Шығыс Қазақстан облысы Зайсан ауданында 2013 жылы табиғи газ кеніші игеріле бастаған. Алғашқы жоспар бойынша, жеке компания газ қорының тең жартысын облыс аумағына таратып, тең жартысын Қытайға экспорттауға тиіс болған. Алайда арада он жылдан аса уақыт өткенде табиғи отынның басым бөлігі шетелге сатылып, ауданның өзі көгілдір отынмен толық қамтылмай қалды. Бұған не себеп болды?

Жайық деңгейі қауіпті шамадан асып, қолдан тұрғызылған бөгетті бұзып өтті

Жексенбі, 21 сәуір күні Батыс Қазақстан облысының әкімшілік орталығы Орал қаласын кесіп өтетін Жайық өзенінің деңгейі көтеріліп, қауіпті межеден – 8,5 метрден асты. Сол күні қатты екпінмен келген су Орал қаласының шағын ауданы – Зачаганск деп аталатын саяжайдың маңайында тұрғызылған бөгетті бұзып кетті. Құтқарушылар мен полицейлер саяжай тұрғындарын шұғыл әрі күштеп эвакуациялады. Ал Жайықтың деңгейі әлі де көтеріліп, су астында қалған үй саны көбейіп барады.

Жарыққа миллиардтаған несие жұмсаған қалада көше неге тас қараңғы?

Өскемен мен Семей қалалары 2022 жылы екі облысқа бөлініп кетсе де, ортақ проблемалар зардабын тартып келеді. Соның бірі – қаланы жарықтандыру мәселесі. 2017 жылы екі қаланың көше шамдарын жетілдіріп, "Лас-Вегастай жайнатуға" Еуропаның қайта құру және даму банкінен 3,6 млрд теңге несие алынған. Қазір ол қарыз "халық ақшасынан" төленіп жатыр, бірақ ондаған көшедегі мыңдаған шам әлі жанбайды.

"Суға батқан, жоғалған". Тасқын құрбандары мен хабарсыз кеткендер

Төтенше жағдайлар министрлігі Атырау облысы Құлсары қаласында тасқыннан төрт адам опат болғанын мәлімдеді. Ақтөбе өңірінде еріген қар суына батқан екі баланың ажалына "тасқынның қатысы жоқ" дейді билік. Абай облысында өзен тасып жатқанда суға кеткен деген күдікпен төрт адам іздестіріліп жатыр.

"Ертең күніміз не болмақ?" Тасқыннан зардап шеккендердің әңгімесі

Қазақстандағы тасқын мыңдаған отбасыны күйзелтіп отыр. Әсіресе ауылды жерлер қатты зардап шекті: адамдар басындағы үйінен, тіршілік көзі етіп отырған малынан айырылды. Азаттық Ақтөбе, Атырау мен Батыс Қазақстан облыстарында үй-күйсіз қалып, әр жерді паналап отырған үш адаммен сөйлесті.

Петропавлға көп су келе жатыр. Қазіргі ахуал қандай?

Солтүстік Қазақстан облысында тасқынға байланысты жағдай ауыр деген ақпарат тарады. Петропавлға қарай көп мөлшерде су ағып келе жатыр, тағы 219 елді мекенге тасқын қаупі төніп тұр. Кейбір ауылдардың электр желісін мұз қиып, жарық өшкен. Облыстағы Сергеев су қоймасы 170 пайыз суға толды.

"Тоз-тоз болып далада жүрміз". Су басқан Құлсары мен Қостанайдың жағдайы

Атырау облысы Құлсары қаласында жағдай әлі қиын. Тасқыннан қатты зардап шеккен қалада қалған тұрғындар суға кеткен үйлерін қарайлап жүр. Ал Қостанай облысында Тобыл өзені тасып, жүзден аса үйді су алды. Есіл өзенінің көтерілуі Солтүстік Қазақстанға, Жайықтың көтерілуі Батыс Қазақстанға қауіп төндіріп тұр.

"Көктем келсін, көре жатармыз". Тасқынның алдын алуға болар ма еді?

Қаза тапқан, хабарсыз кеткен адамдар, эвакуацияланған мыңдаған тұрғын, тұтасымен суда қалған елді мекендер, суға кеткен сансыз үй жануары мен қыруар шығын – Қазақстанда биыл көктемде халықты әбігерге салған және әлі жалғасып жатқан тасқынның зардабы осындай. Оның алдын алуға болар ма еді?