Батыс Түркіменстан билігі жергілікті тұрғындардан тойларда бұрынғы президент Гурбангулы Бердімұхамедовтің әндерін қосып, шетелдік музыкадан бас тартуды талап еткен. Бұл аймақта орыс, армян, әзербайжан сияқты этностық топтар тұрады. Жаңа ереже бойынша, олар өз тойында туған тілінде ән тыңдай алмайды.
2023 жылы маусымда Ташкентте қарақалпақ белсендісі Дәулетмұрат Тәжімұратовтың апелляциялық шағымы қанағаттандырылмағаннан кейін Қарақалпақстандағы жастарға қысым күшейген. Азаттыққа хабарласқан қарақалпақ жастары әлеуметтік желіде Тәжімұратовты қолдағаны үшін қысым көргенін айтады.
Еуропарламент Орталық Азия жөніндегі резолюцияны басым дауыспен қабылдады. Қарарда аймақ елдерін адам құқықтары саласындағы халықаралық міндеттемелерді орындауға және Еуропа Одағымен тығыз ынтымақтастықта болуға үндеген.
Ресей президентін "биоробот", өзін Қырғызстанның "жаңа құдайы" деп атаған, "қыс болмайды" деп болжаған Арыстан Абдылдаев немесе Арыстан Алай 5 қаңтарда түрме асханасында асылып өлді деп хабарланды. Ол – президент Садыр Жапаровтың тұсында қамауда көз жұмған соңғы белсенді.
Тағы
