Ақпанның 25-інде шеру өткізуге берген тұрғындар арызын қараған Жаңаөзен әкімдігі наразылық шарасын өткізуге рұқсат бермеді. Бұл туралы Азаттық тілшісіне Жаңаөзен тұрғыны Тамара Ерғазева хабарлады. Оның айтуынша, «адамдар бәрібір алаңға шығайын деп отыр» және ақпанның 25-і таяған сайын Жаңаөзенде қорқытып-үркіту күшейе түскен.
Ақпанның 21-і күні Жаңаөзенге Еуропарламенттен – депутат Петр Борис, Алматыдан – қоғамдық комиссияның бес мүшесі барды.
Ұлттық қауіпсіздік комитеті (ҰҚК) қызметкерлері ақпанның 17-сі күні Жаңаөзендегі мұнайшылар белсендісі Естай Қарашаевтың үйін тінтіп, өзін ұстап әкеткен еді. Қазір ол сот үкімімен екі айға қамалды.
Ақпанның 20-сы күні Маңғыстау облысы Маңғыстау ауданының әкімі Қармыс Боқанов Шетпе ауылының тұрғындарымен кездесті. Тұрғындар «толқу кезінде ауылға арнайы жасақты әкім шақырды» деп санайды. Әкім керісінше «ереуілшілердің көбін даудан аман алып шықтым» деп есептейді.
Қазақстан ішкі істер министрі Қалмұханбет Қасымов блогындағы сауалдарға жауап берген кезде «полицейлерге адам өлтіре алмайтын қару берілетінін» айтты. Шеруді тарқату үшін қару қолдану мәселесі Жаңаөзен оқиғасынан кейін – полиция қарусыз халықты атқан соң айтыла бастады.
Жаңаөзенде жаппай тәртіпсіздіктерге қатысты деген айыппен Ақтаудағы №172/10 мекемесінде тергеуде жатқан Мұрат Қосбармақовтың адвокаты Сәулебай Сансызбаев абақтыға қамалғандар арасында аштық жариялағандар бар екенін айтты.
Алматыдағы Балуан Шолақ атындағы спорт сарайында ақпанның 11-і мен 12-сі күні «Қонаевтай ер қайда» деген атпен айтыс өтті. Көрермендер тартқан жеребе бойынша Астана қаласының атынан шығып жүрген Жандарбек Бұлғақов алматылық Сара Тоқтамысовамен сөз қағыстырды.
Ұлттық қауіпсіздік комитеті (ҰҚК) Алматыдағы тергеу абақтысында отырған тіркелмеген "Алға" партиясының жетекшісі Владимир Козловтың қазір қайда екенін айтпай отыр.
Бұл туралы бүгін Азаттық радиосына Ақтаудағы облыстық аурухана бас дәрігерінің орынбасары Нұрлан Мұқанов айтты. Ерғазевтар отбасы қамауда жатқан отағасының ауруханаға түскенін білмеген. Жұбайы Тамара Ерғазева бұл оқиғаны Азаттық тілшілерінен естіді.
Жаңаөзен қаласы әкімдігіне барған бірнеше тұрғын қаланың орталық алаңында ақпанның 25-інде шеру өткізуге өтініш тапсырды. Бейбіт шерудің екі негізгі талабы - Жаңаөзен оқиғасына қатысты тұтқындалғандарды босату және қуғындауды тоқтату.
Жаңаөзендік Майра Тұрсынәлиева «күйеуіме жала жабылды» деп шағымданады. Оның зайыбы Жалғас Шалғынбаевқа тағылған ең басты айып – Жаңаөзенде көз жұмған 17 адамның бірі Атабай Құлқайыровтың өліміне байланысты.
Бүгін Жаңаөзен оқиғасы бойынша айыпталып, қамауда отырған азаматтардың аналары, әпкелері мен әйелдері қаладағы төтенше жағдай алынғаннан кейін тұңғыш рет әкімшілік алдына жиылды. Олар ақпанның 23-інде әкімдік алдында пикет өткізуге өтініш тапсырды.
Тағы
