Шұғыл хабар:

Жаңаөзен - 2011

наурыз 01, 2012
Қаралы жандар лайықты төлемақы талап етеді

Жаңаөзен оқиғасы кезінде қаза болған адамдардың туыстары биліктің қорқытып-үркітіп отырғанын айтады. Олар жақындарының қазасына кінәлі адамдарды табуды, қайтыс болған туыстары үшін «лайықты төлемақы төлеуді» талап етеді.
ақпан 29, 2012
«Жаңаөзен-2011» комитеті мүшелері аштық жарияламақ

Бүгін, ақпанның 29-ы Жаңаөзенге барып қайтқан «Жаңаөзен-2011» комитетінің мүшелері 2011 жылы желтоқсаның 16-сы болған оқиғада қаза тапқан адамдардың туыстарына қысым жасалып жатқанын, қала тұрғындары психологиялық және материалдық көмекке зәру екенін айтты.
ақпан 29, 2012
Айжангүл Әмірованың ісі

Оппозиция белсенділерінің «әлеуметтік араздықты қоздырды» деген айып бойынша тұтқындалуы Ақтау қаласында Айжангүл Әмірованың қамалуынан басталды. «Алға» оппозициялық партиясының белсендісі, Алматыда тұратын Әмірова Маңғыстау мұнайшыларының ереуілі кезінде осы аймаққа бірнеше рет барған еді.
ақпан 28, 2012
Жаңаөзендік Жарылғасыновтар жәрдемге зәру

Қазақстанның бас прокуроры Асхат Дауылбаев 2012 жылғы қаңтардың 25-інде мемлекеттік телеарна арқылы Жаңаөзен оқиғасы туралы таратқан мәлімдемесінде Нарын Жарылғасыновты «ұйымдастырушы» ретінде атады. Жаңаөзенге барған Азаттық тілшісі жалғыз асыраушысы қамалып, жоқшылық тартып отырған осы әулетке де соқты.
ақпан 28, 2012
Евгений Жовтистің «әлеуметтік араздық» бабы туралы пікірі

Қазақстанда бірқатар белсенділерге «әлеуметтік араздықты қоздырды» деген айып тағылды. Азаттық радиосы осы айыптың жай-жапсарын бірнеше заңгер мен құқық қорғаушыдан сұраған еді – ол сауалға жуықта бостандыққа шыққан Евгений Жовтис қана жауап берді.
ақпан 27, 2012
Қоғамдық комиссия алғашқы мәліметтерін баяндады

Жаңаөзен оқиғасын зерттеу үшін құрылған тәуелсіз қоғамдық комиссия бүгін баспасөз мәслихатын өткізіп оқиға кезінде қаза тапқандардың саны туралы «ресми көрсеткіш әлі де нақтылауды қажет ететінін, із-түзсіз жоғалып кеткен жақындарын іздеп жүргендердің бар екенін» айтты.
ақпан 27, 2012
Бард әнші Жаңаөзенге ақша аудармақ

Жаңаөзен оқиғасы туралы әндерімен танылған оралдық бард әнші Жанат Есентаевтың зардап шеккен жаңаөзендіктерге арналған қайырымдылық концерті Оралдағы жергілікті газет редакциясының шағын залында ақпанның 24-і күні өтті. Ал концертке аз уақыт қалғанда оны өткізуден бас тартқан мәдениет сарайы жергілікті биліктің рұқсат бермегенін айтса, Батыс Қазақстан облысының әкімдігі мұны жоққа шығарды.
ақпан 25, 2012
Жаңаөзенде митинг күні қамаудағылармен кездесуге рұқсат еткен

Сенбі күні Жаңаөзендегі алаңға келген оншақты адам журналистерге сұқбат берді. Олар өздерін қорқытып-үркіткендерін айтады. Ал кейбіреулеріне 16 желтоқсандағы оқиғадан соң қамалған туыстарымен кездесуге мұрсат беріпті.
ақпан 25, 2012
Алматыда "Назарбаев, кет!" деп ұрандады

Ақпанның 25-і Алматыдағы Абай ескерткіші маңында "Қарсылық жиыны" өтті. Бұл шараға келерде бірнеше саяси белсенді ұсталды. Жиынға жүздеген адам жиналып биліктің әрекеттерін айыптады. Митинг екі сағатқа созылды. Жиында "Назарбаев, кет!" деп ұрандағандар болды. "Қарсылық жиыны" басқа да қалаларда өтті.
ақпан 24, 2012
Арнайы органдардың «құрал» қолдану аясы кеңейді

Қазақстанның арнайы органдары туралы заңы мен осы саланы реттейтін өзге де заңдарға өзгерістер енді. Өзгеріс бұл қызметтердің өкілеттігі мен арнайы құралдарды қолдану аясын кеңейте түскен. «Бұл - алаңдатарлық жайт. Бірақ қоғам бұған бақылау жасап отырған жоқ» дейді құқық қорғаушылар.
ақпан 24, 2012
Жаңаөзенде жоғалған Жалғасбай Ұзақбаев

Жалғасбай Ұзақбаевты Жаңаөзен оқиғасы кезінде жоғалып кеткен, ағайын-туғаны жасырмай іздеп жүрген жалғыз адам деуге болады. Азаттық тілшісі Жаңаөзеннен жоғалған туыстарын іздеген басқа ешкімді көрмеді. Ондай адамдарды Қазақстанның бас прокуратурасы да таппаған.
ақпан 22, 2012
Петр Борис: Жаңаөзен куәгерлерін қорғау керек

Ақпанның 22-сінде Еуропарламент депутаты Петр Борис Алматыға жетті. Бір күн бұрын Жаңаөзен басшылығымен және жергілікті тұрғындармен кездескен депутат осы сапарының қорытындысы бойынша Қазақстан билігіне нота жолданатындығын айтты.

XS

SM

MD

LG