Тасқын БОЛАТҰЛЫ

Өскемендегі қандастар суық үйде тұрып, өсімақы төлеуге мәжбүр

Өскеменнің қасындағы қандастар ауылының халқы 13 жылдан бері сапасыз үйде тұрып жатқанына шағымданып келеді. Олар аязды күні үйдің қуыс-қуысын киізбен бітегенін айтады.

Өскемен тұрғынының көлігі әкімдікке тиесілі тұрақтан жоғалып кетті. Полиция іс қозғады

Шығыс Қазақстан облысының тұрғыны Еркін Тойбазаров мемлекеттік айып тұрағына қойылған автокөлігін тоғыз айдан бері таба алмай жүр. Полиция мәшине жоғалғанын растап, іздестіріп жатқанын хабарлаған. Бірақ нәтиже жоқ.

Қарызы көп ҚТЖ билет қымбаттатуды ұсынды

"Қазақстан темір жолы" ұлттық компаниясының қарызы 3 трлн теңгеге жуықтады. Компания төрағасы қарызды қайтару үшін тарифтерді көтеру не компанияны мемлекеттен қаржыландыру керегін айтты. ҚТЖ мұндай қарызға қалай батты? Оның қызметіне жолаушылардың көңіл тола ма?

Шығысқазақстандық кәсіпкер шағын бизнес жүргізудің қиындығын айтады

Шығысқазақстандық кәсіпкер Алмас Таңғытұлы шағын бизнес бастаған адамға кәсібін сақтап қалу қиын екенін айтады. Оның сөзінше, салықтар тым ауыр. Дүкен сөрелерінен орын алу үшін төленетін ақша да аз емес.

Өскеменде жетім баланың жәрдемақысына ескі пәтер алып берген. Ол бұған наразы

Ата-анасыз қалған жасөспірімдер үйінің түлегі, өскемендік Шыңғыс Құрманханның жиналған жәрдемақысына Жасөспірімдер үйі баспана сатып алып берген. Жас жігіт өзіне тиесілі қаржының әбден тозған, тышқан мен қоңыз басқан пәтерге жұмсалғанына наразы.

ШҚО әкімдігі ауылдағы ескерткішті жөндеуге 11,6 миллиард теңге бөлген

Шығыс Қазақстан облысындағы ауылда Екінші дүниежүзілік соғысқа арналған ескерткіш пен оның алдындағы аллеяны абаттандыруға 11,6 млрд теңге бөлінген. Қоғам белсендісі бұл сома тым көп екенін әрі мемлекеттік сатып алу талаптары сақталмағанын айтады.

Украинада не боп жатыр? Санкт-Петербургтегі жарылыс

Ресей Украинаға зымырандармен шабуылдап, елдегі екінші ірі қала — Харьковтегі азаматтық нысандарды зақымдады. Еуроодақ басшылары Киев көмекке мұқтаж екенін айтып дабыл қағып жатыр. Ал Қытай Беларусь астанасы Минскіге төрт күнде төрт рет жүк тасымалдайтын ұшақ жөнелткен.

«Тазыны жігерлі адам ғана асырайды» Өскемендік Хардинаның хоббиі

63 жастағы Өскемен тұрғыны Елена Хардина тазы асырайды. Оның тазылары халықаралық ит көрмелерінде жүлде алған. Тазы ерткен орыс әйелге қала тұрғындары қызыға қарайды. Ол тазының халықаралық дәрежеде мойындалуын қалайды, өзі де осы іске атсалысып жүр.

Маралды халқы алтын өндірісіне неге қарсы?

Шығыс Қазақстан облысы Күршім ауданындағы Маралды ауылы сулы, нулы, қойнауы алтынға бай Алтай тауында орналасқан. Мұнда екі өзеннің арнасы қосылып, қайнар бұлақтар бастау алады. Ауыл маңында 10 жылдан бері кен барлап келген тау-кен кәсіпорындары 2022 жылы алтын өндіретін фабрика сала бастаған. Содан бері ауыл адамдары «су мен табиғат бүлінеді, экология ластанады» деп үзілді-кесілді қарсы болып келеді. Ал облыс билігі фабрика құрылысында заңсыздық жоқ дейді.

"Экологияны ластайды". Алтын өндірісін салуға халық қарсы

Шығыс Қазақстан облысы Күршім ауданы Маралды ауылының халқы екі жылдан бері алтын өндіретін фабрика салуға және алтынды ашық әдіспен күреп алуға қарсы болып келеді. Олар табиғат бүлініп, экология ластанады деп алаңдайды. Шығыс Қазақстан билігі фабрика құрылысында заңсыздық жоқ дейді.

Бір оқу орнының ғимаратына мемлекет қалай екі шығынданбақ?

Өскеменде құрылысы аяқсыз қалған, мемлекет 2,9 млрд теңге қаржы жұмсаған оқу орнының ғимараты жеке компанияға 16 есе арзан, яғни 180 миллион теңгеге сатылды. Шығыс Қазақстан облыстық әкімдігі кешенді жөнделгеннен кейін қайта сатып алмақ. Бір ғимаратқа екі рет шығындануға не себеп болды?

Бюджет қаржысын бір ғимаратқа екі рет шығындауға не себеп?

Өскеменде құрылысы аяқсыз қалған, мемлекет 2,9 млрд теңге қаржы жұмсаған оқу орнының ғимараты жеке компанияға 180 миллион теңгеге сатылды. Шығыс Қазақстан әкімдігі кешенді жөнделгеннен кейін қайта сатып алмақ. Бір ғимаратқа екі рет шығындануға не себеп болды? Түсіндірейік.

Қытай мен Қырғызстандағы жер сілкінісінен бірнеше үй бүлінді

Алматыда болған жер сілкінісінің эпицентрі — Қытайдың Шыңжаң өлкесі. Дүмпу қуаты 7,1-ге жеткен. Ондағы қуатты зілзаладан ондаған үй бүлініп, бірнеше адам жараланған. Ал дүмпу жайылған тағы бір ел Қырғызстанда жағдай аса қиын емес.

Ресейде соғысты тоқтатуды ұсынған саясаткерге қолдау күшейді

Ресейде оппозиция өкілдері Борис Надеждинге қол жинауға үгіттеп жатыр. Ол президент Владимир Путин мен Украинаға қарсы соғысты сынайтын кандидаттыққа үміткер. Надеждиннің кандидат ретінде тіркелуіне қол қою үшін жер-жерде адамдар кезекте тұр. Надеждин деген кім? Ол Путинге шын қарсылас бола ала ма?

Башқұртстан халқы неге толқыды?

17 қаңтарда Башқұртстанда мыңдаған халық жиылып, жергілікті билікке наразылық білдірді. Жиын соңы полициямен қақтығысқа ұласып, ондаған адам ұсталды. Бұл оқиғаға не себеп болып еді?

Шығыс Қазақстанда бірнеше ауыл қар астында қалды

Шығыс Қазақстан облысында бірнеше ауыл қар құрсауында қалды. Жолда қалған жолаушыларды әскерилер құтқарған. Халі ауыр кісілерге дәрігер жете алмай жатыр. Ауыл адамдары өрістегі малын қораға әкеле алмай жатқанын айтады.

Қарағандыдағы апат, Қаңтар істері, "саяси тұтқындар". 2023 жылдың маңызды он оқиғасы

"Қотыр бар, бірақ жұқпайды". Риддерде психикалық науқастар қалай тұрып жатыр?

Шығыс Қазақстандағы қоғам белсендісі Әділ Пішенов Риддер қаласындағы психикалық ауруға шалдыққандар құқығы бұзылып отыр деп дабыл қағады. "Науқастардың денсаулығы мен күтімі нашар, дәрі-дәрмек жеткіліксіз" дейді. Шығыс Қазақстан әкімдігінің өкілі орталық жұмысында кемшілік барын мойындайды.

Халық “бойкот” жариялаған қоғамдық тыңдауды әкімдік өткізді

19 желтоқсанда Шығыс Қазақстан облысы Күршім ауданы Маралды ауылында жүзден аса адам алтын фабрикасын салуға қатысты қоғамдық тыңдауға қарсылық білдіріп, бойкот жариялады. Бірақ әкімдік пен компания өкілдері жиналысты өткізді. Тұрғындар наразылығымыз ескерілмеді дейді.

Уақыт белдеуін өзгерту Шығыс Қазақстан халқына қалай әсер етеді?

Ашық үкімет порталында Қазақстанды бірыңғай уақыт белдеуіне көшіру туралы қаулы жобасы талқыланып жатыр. Жобаға сай, Астана уақытымен жүретін 12 облыс пен үш мегаполистің уақыты бір сағат кейін шегеріліп, батыс облыстармен теңестіріледі. Бірақ бұған көпшілік наразы.