Қырымды қара түнек басты: Украина дрондары электр желілерін жайпап жатыр
Украинаның Ресей басып алған Қырым түбегінде жарықтың өшуі жиілеп, Кремль тағайындаған жергілікті билік "шұғыл көмек орталықтарын" ашты. Түбекте энергетикалық дағдарыс ушығуы мүмкін.
1
Жарық сөнген кезде қолына шам ұстап келе жатқан әйел. 5 шілде, Қырымның батысындағы Евпатория қаласы.
Кейінгі аптада Қырымдағы электр желілеріне шабуылдаған украин дрондары Ресей басып алған үлкен түбектің едәуір бөлігін қара түнекке батырды.
Кейінгі аптада Қырымдағы электр желілеріне шабуылдаған украин дрондары Ресей басып алған үлкен түбектің едәуір бөлігін қара түнекке батырды.
2
2026 жылғы қаңтар мен шілде айларындағы түнгі Қырымды салыстырған спутник суреттері.
Қырымның электр энергиясына жауапты «Крымэнерго» компаниясы 7 шілдеде "жау дрондарының шабуылынан болған апаттарға байланысты бірқатар елдімекен әзірге жарықсыз қалып отыр" деп мәлімдеді.
Қырымның электр энергиясына жауапты «Крымэнерго» компаниясы 7 шілдеде "жау дрондарының шабуылынан болған апаттарға байланысты бірқатар елдімекен әзірге жарықсыз қалып отыр" деп мәлімдеді.
3
Евпатория көшелерінде жүрген адамдар. 5 шілде. "Крымэнерго" мәлімдемесінде 7 шілдеге дейін түбекте 19 қала мен елдімекен жарықсыз қалған.
4
6 шілде күні жарияланған украин дронының видеосынан алынған мына кескінде Қырым электр станцияларына жасалған шабуылдардың бірі көрінеді.
Украина 1 шілдеден бері Қырым энергетика жүйесіне 38 мәрте дронмен шабуылдаған. Шабуылға ұшырағандар қатарында Қырымның астанасы, әрі осы түбектегі ең ірі екінші қала – Симферопольдегі электр желісі де бар.
Украина 1 шілдеден бері Қырым энергетика жүйесіне 38 мәрте дронмен шабуылдаған. Шабуылға ұшырағандар қатарында Қырымның астанасы, әрі осы түбектегі ең ірі екінші қала – Симферопольдегі электр желісі де бар.
5
Велосипедшілер мен жаяу жүргіншілер қараңғыда көшені кесіп өтіп барады. Евпатория, 5 шілде. Жанармай тапшылығы мен жарықтың сөнуінен бірқатар қалада су беру қиындай түсті. Сондай-ақ трамвай көлігінің қатынауы тоқтады.
6
Жарықсыз қалған көпқабатты үй. Евпатория, 5 шілде. Ақпарат құралдары жарықтың өшуінен Евпаториядағы қалалық су айдау станциялары істен шыққанын хабарлап отыр. "Су құбырларындағы қысым қажетті деңгейден төмен болғандықтан, су ғимараттардың жоғарғы қабаттарына және биік орналасқан аудандарға жетпей жатыр", – деді жергілікті шенеуніктердің бірі 6 шілдеде.
7
Қырымның шығыс жағалауындағы Феодосия қаласының бос жатқан жағажайы. Шілденің басында түсірілген сурет. Маусымның аяғында Украина соққылары салдарынан туристердің Қырымнан Ресейге жаппай кетіп жатқаны жайлы видео тарады.
8
Евпаторияның қараңғыда қалған үйлері. 5 шілде. Ресей тағайындаған жергілікті билік 5 шілдеден бері Қырымның бірнеше қаласында "шұғыл көмек орталықтарын" ашты. Онда тұрғындарға телефондарын қуаттауға, байланыс құралдарын пайдалануға және жедел көмек алуға мүмкіндік беріліп жатыр.