Украина-Ресей келіссөзінің бірінші раунды аяқталды
Украина делегациясы Ресеймен келіссөз аяқталғанын мәлімдеді. Киев өкілі Михаил Подоляктің сөзінше, екі тарап еліне оралып, келіссөз нәтижесі мен келіссөзді жалғастыру мүмкіндіктерін президенттермен талқылайды. Подоляк келіссөздің екінші раунды болатыны жайлы да айтты.
Украина президенті Владимир Зеленский Украинаны Еуропа одағына қосылуға өтініш берді. Бұған дейін Зеленский Еуропа одағынан Украинаны одаққа қабылдауды жылдамдатуды сұраған.
Макрон Путиннен соғысты тоқтатуды тағы сұрады
Франция президенті Макрон Путинмен телефон арқылы сөйлесіп, Украинадағы соғысты аяқтау мәселесін талқылады. Франция тарапы таратқан мәлімдемеде Макрон Путиннен бейбіт тұрғындарға, инфраструктураларға әуе соққылары мен басқа да шабуылдарды тоқтатуды сұрағаны жазылған.
Франция билігі "Путин бұл өтініштерді орындауға дайын екенін білдірді" деп мәлімдеді.
Бірақ Кремль таратқан мәлімдемеге сенсек, Путин Макронға Украина мәселесін шешу үшін мынандай талаптар қойған:
- Ресейдің Қырымдағы тәуелсіздігін мойындау;
- Украина мемлекетін "демилитиризациялау" және "ұлтшылдардан тазарту";
- Украинаның бейтарап статусын қамтамасыз ету.
Бұған дейін Путин мен Макрон бірнеше рет телефонмен сөйлесіп, Украинадағы жағдайды талқылаған.
Ресейлік әскерилердің Харьков қаласын "Град" снарядтарымен атқылаған сәт.
ПІКІРЛЕР