2016 жылдың наурыз айында сол кездегі ұлттық экономика министрі Ерболат Досаев шілденің 1-інен бастап елде ауыл шаруашылығы мақсатындағы 1,7 миллион гектар жер аукцион арқылы саудаға шығарылатынын хабарлаған. Бұл шешімге қарсылық ретінде 2016 жылдың 24 сәуірінде Атырауда бірнеше мың адам шеруге шыққан. Мұндай наразылық шаралары өзге қалаларда да болды. Кейін Қазақстан үкіметі жанынан жер реформасы жөнінде комиссия құрылып, президент Нұрсұлтан Назарбаев жер кодексіне мараторий уақытын 2021 жылдың 31 желтоқсанына дейін созған. Осы ретте Азаттық тілшілері бірнеше саясаткерден, қоғамдық белсенділерден жер сатуға қарсылық митингілеріне бір жыл толуына орай пікір сұраған.