Жеке баспанасы жоқ әскери зейнеткерлер тұрғын үй заңына өзгеріс енгізуді сұрайды. Қазіргі заң бойынша, әскер қатарында он жылдан аса, бірақ жиырма жылдан аз уақыт қызмет атқарғандарға тұрғын үй өтемақысы берілмейді. Олар тек қорғаныс министрлігі ұсынған баспананы сатып алуға құқылы. Ондай үйдің бағасы «тым қымбат» деген әскери зейнеткерлер өздеріне баспана өтемақысын беруді талап етіп, ел президенті Қасым-Жомарт Тоқаевтан көмек сұрады.