AFP ақпарат агенттігі 12 сәуірде Ресей қоршауында қалған Мариупольге кіріп, қаланың қазіргі көрінісін фотоға түсіріп алған. 1 наурыздан бері қоршауда қалған бұл қаланың қазіргі көрінісі мынандай.
Бір жарым айдан бері Ресей қоршауында қалған Мариупольдің дәл қазіргі көрінісі
1
Мариуполь билігі қаладағы 80-90 пайыз ғимарат толық қирады деп мәлімдеген.
2
Мариуполь әкімшілігі соғыс басталғалы қалада 21 мың бейбіт тұрғын қаза болды дейді. Украина президенті Зеленский Мариупольде ондаған мың адам опат болғанын айтқан еді.
3
Қалада 100 мыңнан аса бейбіт тұрғын қалған.
4
Қазір Мариуполь қаласы үшін Украина мен Ресей арасында кескілескен шайқас болып жатыр.
5
Қалада жылу, жарық, газ жоқ. Мына суретте жұрт кезекпен құдықтан су алып жатыр.
6
Мариупольде ілінген Ресей туы.
7
Қалада жүрген ресейлік әскери мен тұрғындар.
8
Мариуполь мэрінің кеңесшісі Петр Анрющенко Ресей 9 мамырда Ресей осы қалада әскери шеру ұйымдастыруды жоспарлайды деп мәлімдеді. "Бізде бар ақпарат бойынша, Мариупольдің өзін-өзі жариялап алған мэрі Иващенко 9 мамырда парад өткізу үшін қаланың орталығын қирандылар мен мәйіттерден тазарту туралы бұйрық алған" деді Анрющенко.
9
Қаланың бір бөлігін ресейлік әскерилер күзетіп жүр.
ПІКІРЛЕР