Екі жыл бұрын елде атом электр станциясын салу-салмау дауы кезекті рет көтерілген шақта «халықпен ақылдасу» қажетін ескертіп, жұртты тыныштандырған президент Қасым-Жомарт Тоқаев өткен аптада «Қазақстанға АЭС қажет» деп кесіп айтты. Президент сөзі басылып қалған дау-дамайды қайта көтерді. Әлеуметтік желіде сарапшылар, экологтар мен журналистер, қарапайым тұрғындар түрлі пікір жазып, «керек» не «керек емес» дейтін уәждің айналасында сөз таластырып жатыр.