"Қазақстан билігі адам құқығын өрескел бұзып жатқаны" жазылған Еуропарламент қарары аясындағы талқы әлі басылмай тұр. 13 ақпанда Қазақстан сыртқы істер министрлігі резолюциядағы деректер "бұрмаланған әрі ескі" деп мәлімдеді. "Ар. Рух. Хақ" құқық қорғау ұйымының жетекшісі Бақытжан Төреғожина құжаттағы фактілерді сыртқы істер министрімен көпшілік көзінше талқылағысы келеді.