Дөңгелек үстелде «Митингі өткізу ережесі мен оны бұзғаны үшін тағайындалатын жаза түрлерін қатты қатаңдату арқылы Ресей билігі Қазақстаннан үлгі-өнеге алып отыр ма?» деген тақырып талқыланды. Талқылауға қатысқан Ресей сарапшыларының пікірінше, жаңа заң «мемлекеттік экстремизм» болып табылады. Екінші сарапшының пікірінше, бұл заң Ресейді қантөгіс революцияға жетелейді. Ал ресейлік және қазақ сарапшыларының ортақ пікірінше, азаматтық белсенділікті шектеуде Қазақстан Ресейден емес, Ресей Қазақстаннан үйренеді. Дөңгелек үстелдің қысқа жазбаша мәтіні мен толық аудио нұсқасын Азаттықтың Интернет-сайтынан оқып тыңдауға болады.