Թերթերն արձագանքում են Հայաստանում ներդրումներ անելու՝ ֆրանսիական ընկերություններին ուղղված կոչին, որը Ֆրանսիայում ունեցած հանդիպումներից մեկի ժամանակ հնչեցրել էր Հայաստանի նախագահը: Լրատվամիջոցները հետևում են նաև ղարաբաղյան հակամարտության գոտում ստեղծված իրավիճակին, փորձելով հետագա զարգացումների համատեքստում կռահել Ռուսաստանի վարքագիծը: Մամուլի ուշադրությունից չի վրիպել նաև փաստը, որ անցած տարի Հայաստանի ՀՆԱ-ի աճը կազմել է ընդամենը 0,2 տոկոս:
