«168 ժամ»-ը, անդրադառնալով Հայաստանի նախագահի վաշինգտոնյան հանդիպումներին, գրում է. - «Հանդիպումից հետո Սարգսյանի եւ Էրդողանի ունեցած ելույթներից ընդհանուր տպավորությունն այն է, որ հայ - թուրքական հաշտեցման գործընթացում առանձնապես շոշափելի առաջխաղացում չի արձանագրվել: Այդուհանդերձ, երեկ թուրքական որոշ լրատվամիջոցներ` հղում անելով իրազեկ աղբյուրներին, տեղեկացրել են, թե «կողմերը միասնական եզրահանգման են եկել հայ - թուրքական արձանագրությունների կենսագործումը համատեղ ջանքերով արագացնելու հարցում»: Անկախ այս հանդիպումների արդյունքներից, սակայն, ակնհայտ է, որ այն առաջին հերթին Օբամային հնարավորություն է տալու ընդամենը մի քանի օր հետո չարտասանել «ցեղասպանություն» բառը»:
