Ուկրաինայի նախագահ Վլադիմիր Զելենսկին հայտարարում է՝ Կիևը չի տեղեկացվել Ռուսաստանի և Միացյալ Նահանգների միջև առաջիկա բանակցությունների մասին` պնդելով, որ Ուկրաինան չի ճանաչի առանց իր մասնակցության կնքված համաձայնությունները։
«Ուկրաինան չի մասնակցում։ Ուկրաինան այդ մասին ոչինչ չգիտեր։ Ուկրաինան Ուկրաինայի հարցով առանց Ուկրաինայի ցանկացած բանակցություն գնահատում է արդյունք չունեցող։ Մենք չենք կարող ճանաչել մեր մասին որևէ պայմանավորվածություն առանց մեզ։ Եվ մենք չենք ճանաչի նման պայմանավորվածությունները», - ասել է Զելենսկին հեռավար ասուլիսում։
Ավելի վաղ ԱՄՆ նախագահ Դոնալդ Թրամփը հավաստիացրել է, որ Ուկրաինայի նախագահ Վլադիմիր Զելենսկին «կներգրավվի» ռուսական պատերազմին ավարտին ուղղված ցանկացած խաղաղ բանակցություններում։
