Մատչելիության հղումներ

Վախճանվել է հոլիվուդյան դերասան Վել Քիլմերը


Վել Քիլմեր, արխիվ
Վել Քիլմեր, արխիվ

65 տարեկան հասակում վախճանվել է ամերիկացի դերասան Վել Քիլմերը, հայտնում է The New York Times-ը՝ վկայակոչելով դերասանի դստերը։

Քիլմեր մահացել է ապրիլի 1-ին՝ Լոս Անջելեսում, որպես մահվան պատճառ նշվում է թոքաբորբը։

Դերասանի դստեր խոսքով՝ 2014-ին Քիլմերի մոտ կոկորդի քաղցկեղ էր ախտորոշվել, նրան հաջողվել էր հաղթահարել հիվանդությունը, սակայն ամբողջությամբ կորցրել էր ձայնը։

Վել Քիլմերը Batman Forever ֆիլմում մարմնավորել է Բեթմենի կերպարը։ Նա հայտնի է նաև Alexander, The Doors ֆիլմերում մարմնավորած կերպարներով։

Քիլմերը ծնվել է 1959-ի դեկտեմբերի 31-ին Լոս Անջելեսում։ Նա ավարտել է Նյու Յորքի Ջուլիարդի արվեստի դպրոցը և 1981-ին սկսել է աշխատել թատրոնում։ Վել Քիլմերն առաջին անգամ էկրանին հայտնվել է 1984-ին Top Secret ["Совершенно секретно!"] կատակերգությունում ամերիկացի ռոք երգիչ Նիք Ռիվերսին մարմնավորող կերպարով։ Իսկ արդեն 1986-ին Top Gun ["Лучший стрелок"] մարտաֆիլմը նրան համաշխարհային հռչակ է բերել։

Ուղիղ հեռարձակում

XS
SM
MD
LG