Վաղը՝ նոյեմբերի 19-ին, Ուկրաինայի նախագահ Վլադիմիր Զելենսկին կմեկնի Թուրքիա։ Այս մասին հաղորդում է Bloomberg գործակալությունը՝ վկայակոչելով Ուկրաինայի նախագահի՝ սոցցանցերում արված գրառումը։
Զելենսկու խոսքով՝ ինքը Թուրքիա կմեկնի «բանակցություններին նոր լիցք հաղորդելու, գործընկերներին մշակված որոշումներին ծանոթացնելու նպատակով»։
Ուկրաինայի նախագահը նաև նշել է, որ այժմ պաշտոնական Կիևն աշխատում է նաև գերիների փոխանակումները վերսկսելու ուղղությամբ։
