ԱՄՆ նախագահ Դոնալդ Թրամփը Նյու Յորքում զբոսաշրջային ուղղաթիռի կործանումը մղձավանջ է անվանել և խոստացել է, որ ամերիկյան իշխանությունները շուտով կներկայացնեն միջադեպի նախնական պատճառները։ Այս մասին Սպիտակ տան ղեկավարը գրել է X -ի իր էջում։
«Տրանսպորտի նախարար Շոն Դաֆֆին և նրա տաղանդավոր ենթականերն ակտիվորեն զբաղվում են այդ գործով։ Շուտով կհետևեն հայտարարություններ այն մասին, թե ինչ է տեղի ունեցել և ինչու», - նշել է նախագահ Թրամփը։
Նյու Յորքի քաղաքապետ Էրիկ Ադամսն ավելի վաղ հաստատել էր, որ Հուդզոն գետում վթարի ենթարկված ուղղաթիռում գտնվող բոլոր վեց անձինք զոհվել են։
ABC News-ի փոխանցմամբ՝ ավիաաղետի հետևանքով զոհերը Siemens-ի Իսպանիայի և Հարավարևմտյան Եվրոպայի մասնաճյուղի ղեկավար Ագուստին Էսկոբարն է՝ կնոջ և երեք երեխաների հետ։ Զոհվել է նաև ուղղաթիռի օդաչուն:
