Թուրքական ընդդիմությունը նոր՝ մեկօրյա ակցիա է նախաձեռնել՝ պահանջելով ազատ արձակել երկու շաբաթ առաջ ձերբակալված Ստամբուլի քաղաքապետ Էքրեմ Իմամօղլուին։
Երկրի առաջատար ընդդիմադիր կուսակցության՝ Ժողովրդահանրապետականի ներկայացուցիչները կոչ էին արել այսօր 24 ժամով դադարեցնել սպասարկման ոլորտի բոլոր ձեռնարկությունների աշխատանքը։ Որպես հետևանք Ստամբուլում գործող խանութների և սրճարանների մի զգալի մասը այսօր փակ էր, այն օբյեկտներն էլ, որոնց սեփականատերերը չէին հետևել ընդդիմության կոչին, հիմնականում դատարկ էին։
Իշխանության ներկայացուցիչներն այս քայլը անվանել են «տնտեսական սաբոտաժ»։
