Վարչապետ Նիկոլ Փաշինյանը և հյուրընկալել է պաշտոնական այցով Հայաստանում գտնվող Ուրուգվայի Ներկայացուցիչների պալատի նախագահ Անա Օլիվերային անդրադարձել են Հայաստան-Ադրբեջան խաղաղության պայմանագրի շուրջ քննարկումներին, Լեռնային Ղարաբաղից տեղահանված անձանց բնակարանային ապահովման ՀՀ Կառավարության ծրագրին:
Ըստ վարչապետի աշխատակազմի տարածած հաղորդագրության՝ զրուցակիցները քննարկել են Հայաստան-Ուրուգվայ համագործակցության օրակարգին վերաբերող հարցեր:
Վարչապետն ընդգծել է միջազգային հարթակներում միջխորհրդարանական համագործակցության զարգացման անհրաժեշտությունը, ինչպես նաև կապերի խորացումը տնտեսության, զբոսաշրջության, մշակույթի և սպորտի ոլորտներում:
Անա Օլիվերան ասել է, որ Ուրուգվայն ինչպես նախկինում, այնպես էլ այսօր իր համերաշխությունն ու աջակցությունն է հայտնում Հայաստանին և հայ ժողովրդին:
Ուրուգվայում այս տարվա մարտին Հայաստանի ԱԳ նախարար Արարատ Միրզոյանի և Ուրուգվայի ԱԳ նախարար Օմար Պագանինիի մասնակցությամբ բացվեց Ուրուգվայում ՀՀ դեսպանությունը:
