Պաշտպանության նախարար Սուրեն Պապիկյանն այսօր հանդիպել է Հայաստանում Իտալիայի դեսպան Ալեսսանդրո Ֆերրանտիի հետ:
Ռազմական գերատեսչությունից հայտնում են, որ նրանք քննարկել են երկու երկրների միջև պաշտպանության բնագավառում համագործակցության ներկայիս ընթացքը և հեռանկարները, ինչպես նաև տարածաշրջանային ու միջազգային անվտանգությանն առնչվող հարցեր:
Նախորդ մարտին Հռոմում տեղի ունեցան Հայաստան-Իտալիա պաշտպանական խորհրդակցություններ, ստորագրվեց Հայաստան-Իտալիա ռազմական համագործակցության տարեկան ծրագիրը։
Իսկ 2023-ի ամռանը Բաքուն և Հռոմն հայտարարել էին, որ իտալական արտադրության ռազմատրասպորտային օդանավերի ձեռքբերման պայմանավորվածություն են ձեռք բերել։ 2024- հուլիսին Հռոմը C-27J Spartan օդանավ փոխանցեց Բաքվին։
