Ուկրաինական կողմը հաստատում է՝ անցած գիշեր անօդաչու թռչող սարքով հարձակում է իրականացրել Ռուսաստանի վրա՝ հարվածելով նավթավերամշակման գործարանի, էլեկտրակայանի օբյեկտների և էլեկտրոնիկայի գործարանի:
Ուկրաինայի գլխավոր շտաբը հայտնում է, որ նավթավերամշակման գործարանն ու էլեկտրակայանը թիրախավորվել են Մոսկվայի հարավում գտնվող Ռյազանի շրջանում, իսկ մյուս՝ վնասված միկրոէլեկտրոնիկայի գործարանը գտնվում է արևմտյան Բրյանսկի շրջանում։
Հարձակումների մասին ավելի վաղ հայտնել էին ռուսաստանցի պաշտոնյաները։ Հաղորդվել է, որ գիշերային հարվածները ամենազանգվածայինն էին։
Ըստ ռուսական աղբյուրների՝ Ուկրաինայի զինվորականներն արձակել են ավելի քան 120 անօդաչու թռչող սարք։
