Միացյալ Նահանգների նախագահի ազգային անվտանգության հարցերով խորհրդական Մայք Ուոլցը Gmail-ի իր անձնական օգտահաշվիները օգտագործել է պետական նշանակության նամակագրություն վարելու համար։ Այս մասին է վկայում The Washington Post պարբերականի հետաքննությունը։
Ամերիկացի լրագրողների պնդմամբ, Ուոլցն անձնական օգտահաշվից ուղարկված նամակներում քննարկել է ռազմական գործողությունների մանրամասներն, ինչպես նաև սպառազինության տարբեր տեսակների կարողությունները։
Նույն աղբյուրի փոխանցմամբ, նա իր անձնական փոստի հասցեին պետական կարևորության փաստաթղթեր և աշխատանքային նյութեր է ստացել, որոնց մի մասը հետագայում տարածել է Signal մեսենջերի փակ խմբերում։
Սպիտակ տան ներկայացուցիչները նշել են, որ Ուոլցի կողմից Gmail-ի օգտահաշիվները գաղտնի նամակագրության համար օգտագործելու ապացույցներ այս պահին չունեն։
