Իսրայելական օդուժն այսօր նոր հարվածներ է հասցրել Լիբանանի հարավային շրջաններին։
Տեղական լրատվամիջոցների փոխանցմամբ՝ իսրայելական օդանավերը մոտ մեկ ժամվա ընթացքում 14 հարված են հասցրել Նաբաթիա քաղաքի մերձակայքում։
Իսրայելի Զինված ուժերի պնդմամբ՝ այսօրվա ռմբակոծությունների գլխավոր թիրախները իրանամետ «Հեզբոլա» շարժման այստեղ գտնվող դիրքերն էին։
Լիբանանի առողջապահության նախարարությունը, սակայն, հայտնում է՝ Իսրայելի կողմից հարվածների թիրախում նաև խաղաղ բնակավայրեր են եղել, առնվազն մեկ խաղաղ բնակիչ զոհվել է։
