Անցած գիշեր միաժամանակյա հարձակում է տեղի ունեցել Ֆրանսիայի տարբեր շրջաններում գտնվող կալանավայրերի վրա։ Այս մասին տեղեկացրել է Ֆրանսիայի արդարադատության նախարար Ժերալդ Դարմանենը։
Ֆրանսիական մամուլի տեղեկություններով՝ հարձակումները տեղի են ունեցել առնվազն յոթ բանտերի մերձակայքում, այդ թվում՝ Մարսել և Տուլոն քաղաքներում։ Հարձակումները կատարվել են նույն սցենարով՝ բանտերի մուտքի մոտ կայանված մեքենաներից անկանոն կրակ է արձակվել կալանավայրերի մուտքի ուղղությամբ, որոշ դեպքերում հրկիզվել են բանտի աշխատակիցներին պատկանող մեքենաները։
Ֆրանսիական իշխանությունները չեն բացառում, որ հարձակման հեղինակները թմրանյութերի անօրինական վաճառքով զբաղվող հանցավոր խմբերն են։
