Ռուսաստանի արտգործնախարար Սերգեյ Լավրովը ապրիլի 7-ին Մոսկվայում հանդիպել է Ռուսաստանում հավատարմագրված օտարերկրյա դեսպանների հետ, քննարկել Եվրասիական տարածաշրջանի անվտանգային խնդիրները, հաղորդել է Ռուսաստանի արտգործնախարարության պաշտոնական ներկայացուցիչ Մարիա Զախարովան։
Հանդիպմանը մասնակցել է նաև Ռուսաստանում Հայաստանի դեսպան Գուրգեն Արսենյանը։
Ռուսաստանում Հայաստանի դեսպանությունը հանդիպման մասին դեռ չի հաղորդել։
Ըստ Ռուսաստանի արտաքին քաղաքական գերատեսչության՝ Լավրովը ներկաների ուշադրությունն է հրավիրել «ՆԱՏՕ-ի երկրների վտանգավոր գործողությունների վրա՝ ուղղված Ասիա-խաղաղօվկիանոսյան տարածաշրջանում իրավիճակի ապակայունացմանը, պայթյունավտանգ իրավիճակին Մերձավոր Արևելքում, ինչպես նաև Հարավային Կովկասի և Կենտրոնական Ասիայի կայունությանը սպառնացող վտանգներին»։
