Կուրսկի շրջանում ռուսական բանակի կողմից Ուկրաինայի դեմ պատերազմող հյուսիսկորեական զորքերը դուրս են բերվել առաջնագծից մեծ կորուստների պատճառով, այս մասին գրում է The New York Times-ը՝ վկայակոչելով ուկրաինացի և ամերիկացի պաշտոնյաներին։
Լրատվամիջոցի աղբյուրները նշել են, որ հյուսիսկորեացի զինվորականներին ռազմաճակատում չեն նկատել մոտ երկու շաբաթ, ենթադրելով, որ նրանք կարող են վերադառնալ լրացուցիչ մարզվելուց հետո։
Արևմտյան հետախուզական տվյալների համաձայն՝ Հյուսիսային Կորեայի մոտ 10 հազար զինվոր է ժամանել Ռուսաստան՝ Ուկրաինայի դեմ պատերազմին մասնակցելու համար։ Մի քանի ամսվա մարտերի ընթացքում հյուսիսկորեական զորքում կորուստների թիվը գնահատվում է հարյուրավոր և նույնիսկ հազարավոր:
