Ապրիլի 2-ի գիշերը ռուսական բանակն անօդաչու սարքերով հարվածել է Խարկովին։
Ուկրաինական կողմը հաղորդում է 8 տուժածի մասին, այդ թվում՝ երեք երեխա, մեկն՝ 9 ամսական։
Հարվածները եղել են Խոլոդնոգորսկի շրջանի երկու քաղաքացիական ձեռնարկությունների վրա, տուժել են նաև հարակից բնակելի շենքերը։
Ուկրաինայի դատախազության տվյալներով՝ ռուս զինվորականները գիշերը Խարկովին հարվածել են "Герань 2" անօդաչու թռչող սարքերով։
Ռուսական կողմն իր հերթին հաղորդել է, որ ապրիլի լույս 2-ի գիշերը ԱԹՍ-ները բնակելի շենքեր են վնասել Տագանրոգում և Կուրսկում, կան տուժածներ։
Ռոստովի մարզի նահանգապետի պաշտոնակատար Յուրի Սլյուսարի խոսքով՝ Տագանրոգում արտակարգ դրություն է հայտարարվել։
ՌԴ պաշտպանության նախարարությունը հայտնել է անցած գիշեր ռուսական շրջանների վրա 93 ԱԹՍ խոցելու մասին․ 87-ը՝ Կուրսկի, 4-ը՝ Ռոստովի, ևս 2-ը՝ Բելգորոդի շրջանի վրա։
