26 մարդ Է զոհվել, 17-ը՝ վիրավորվել Հնդկաստանի կողմից վերահսկվող Ջամուում և Քաշմիրում զբոսաշրջիկների վրա զինված հարձակման հետևանքով: Հարձակումը տեղի է ունեցել երեքշաբթի մահմեդականներով բնակեցված Փահալգամում, որը զբոսաշրջային հայտնի ուղղություն է։
Սա Հնդկաստանում խաղաղ բնակիչների վրա ամենամեծ հարձակումն էր 2008 թվականին Մումբայում տեղի ունեցած փոխհրաձգությունից ի վեր, որի հետևանքով զոհվեց ավելի քան 160 մարդ:
Վարչապետ Նարենդրա Մոդին ընդհատել է իր երկօրյա այցը Սաուդյան Արաբիա և չորեքշաբթի առավոտյան վերադարձել է Նյու Դելի:
տարածաշրջանում քիչ հայտնի «Քաշմիրի դիմադրություն» զինված խմբավորումը սոցցանցերում տարածած հաղորդագրությամբ ստանձնել է արյունալի հարձակման պատասխանատվությունը՝ հայտարարելով, որ այդկերպ իր դժգոհությունն է հայտնել շրջանում տասնյակ հազարավոր ներգաղթյալների բնակություն հաստատելու կապակցությամբ, ինչը «փոխել է ժողովրդագրական պատկերը»։
