Այսօր առավոտյան Թբիլիսիում կայացած ասուլիսի ժամանակ Վրաստանի վարչապետ Իրակլի Կոբախիձեն հայտարարել է կառավարության կազմում կատարված կադրային փոխատեղումների մասին։
Նրա խոսքով՝ պաշտոնանկ է արվել Պետական անվտանգության ծառայության տնօրեն Գրիգոլ Լիլուաշվիլին, որի լիազորությունների ժամկետն ավարտվում էր գալիք աշնանը։
Լիլուաշվիլին նշանակվել է նորաստեղծ ռեգիոնալ զարգացման նախարարության ղեկավարի պաշտոնում։
Պետական անվտանգության ծառայությունն այսուհետ ղեկավարելու է Անրի Օհանաշվիլին։ Մինչ օրս նա Կոբախիձեի կառավարությունում զբաղեցնում էր արդարադատության նախարարի պաշտոնը։
Օհանաշվիլիին այս պաշտոնում կփոխարինի իշխող «Վրացական երազանքի» պատգամավոր Պաատա Սալիան։
Մինչև խորհրդարան գալը նա «Ռուսթավի 2» հեռուստաընկերության գլխավոր տնօրենն էր։
