Այսօր առավոտյան ռուսական հրթիռային հարվածներից Խարկովում բազմահարկ շենք է վնասվել։ Ըստ տեղի իշխանությունների՝ մեկ մարդ մահացել է, 60-ը՝ վիրավորվել։
Նշվում է, որ հրթիռը հարվածել է քաղաքի խիտ բնակեցված հատվածին, չի բացառվում, որ փլատակների տակ դեռ մարդիկ լինեն։
Քաղաքապետի խոսքով՝ վիրավորների թվում երեք և չորս տարեկան երկու երեխաներ կան։
Խարկովի հարվածներին զուգահեռ հաղորդվել է Դնեպր քաղաքի շրջանում պայթյունների մասին։
Ըստ տեղի իշխանությունների՝ քաղաքում ֆիտնես կենտրոն, հյուրանոց ու գրասենյակ են վնասվել, տուժածներ չկան։
