Առաջիկա 12 տարիներին Հունաստանն իր զինված ուժերի բարեփոխման վրա ավելի քան 25 միլիարդ եվրո կծախսի։ Այս մասին երկրի խորհրդարանում հայտարարել է Հունաստանի վարչապետ Կիրիակոս Միցոտակիսը։
Նրա խոսքով՝ այդ գումարի մի զգալի մասը ծախսվելու է նոր սուզանավերի, ինչպես նաև օդային և ստորրջրյա դրոնների ձեռքբերման վրա։ Բացի այդ, ըստ հունական կառավարության ղեկավարի՝ մինչև 2036 թվականը Աթենքը ՀՕՊ սեփական համակարգն է ներդնելու, որ կկոչվի «Աքիլեսի վահան»։
Դրան էլ գումարած Հունաստանը նախատեսում է միջոցներ տրամադրել սեփական արբանյակի՝ տիեզերք արձակելու համար։
