Ֆուտբոլի Եվրոպայի 2024 թվականի առաջնության եզրափակիչում հուլիսի 14-ին Բեռլինում կհանդիպեն Իսպանիայի և Անգլիայի հավաքականները:
Կիսաեզրափակիչում չորեքշաբթի երեկոյան Դորտմունդում Անգլիայի ընտրանին 2:1 հաշվով առավելության հասավ Նիդերլանդների թիմի նկատմամբ: Հաշիվը 7-րդ րոպեին բացեցին նիդերլանդացիները՝ գոլի հեղինակ դարձավ Չավի Սայմոնսը, 18-րդ րոպեին Հարի Քեյնը 11-մետրանոցից վերականգնեց հավասարակշռությունը, իսկ հանդիպման 81-րդ րոպեին փոխարինման դուրս գալուց 9 րոպե անց Օլի Ուոթքինսը խփեց հաղթական գոլը:
Իսպանիայի հավաքականը եզրափակիչ է դուրս եկել նախօրեին Ֆրանսիայի նկատմամբ հաղթանակից հետո:
