Հայաստանն ադրբեջանական կողմին է փոխանցել երկու երկրների միջև խաղաղության պայմանագրի 10-րդ փաթեթը, հայտնել է փոխարտգործնախարար Վահան Կոստանյանը։
Հունիսի 26-ին հայկական կողմը հայտնել էր պայմանագրի առաջարկների 10-րդ փաթեթի ստացման մասին։
Պրահայում անցկացվող «GLOBSEC» համաժողովի շրջանակներում ելույթ ունենալով՝ արտաքին գործերի նախարարի տեղակալը վերահաստատել է Հարավային Կովկասում և տարածաշրջանում խաղաղություն հաստատելու Հայաստանի պատրաստակամությունը:
- Վարչապետը երեկվա ասուլիսին տեղեկացրեց, որ Երևանն ու Բաքուն ամբողջովին համաձայնեցրել են խաղաղության համաձայնագրի 17 հոդվածից 13-ը։ Նիկոլ Փաշինյանի խոսքով՝ համաձայնեցված է նաև համաձայնագրի ևս 3 հոդվածի բառապաշարի մեծ մասը: Ավելին, վարչապետը հայտնեց, որ Երևանը նոր առաջարկ է ներկայացրել Բաքվին՝ ստորագրել այն հոդվածների տակ, որոնք արդեն համաձայնեցվել են՝ մյուսների քննարկումը թողնելով ապագային։
- Ադրբեջանի արտգործնախարար Ջեյհուն Բայրամովն էլ հունիսի սկզբին՝ Երևանի վերջին առաջարկը ստանալուց հետո, ասել էր, թե «ավելի քիչ հարցեր են բաց մնում», «որոշ կետերում դրական դինամիկա են նկատում»՝ առանց մանրամասներ փոխանցելու։
