Ռուսաստանի նախագահի մերձավոր շրջապատի ներկայացուցիչներից մեկը՝ Ուղղակի ներդրումների ռուսաստանյան հիմնադրամի ղեկավար Կիրիլ Դմիտրիևն այս շաբաթ կարող է այցելել Վաշինգտոն, որտեղ բանակցություններ կանցկացնի Միացյալ Նահանգների նախագահի հատուկ բանագնաց Սթիվեն Ուիթքոֆի հետ։
Այս մասին հաղորդում են Reuters-ը և CNN-ը՝ ամերիկյան դիվանագաիտական աղբյուրները վկայակոչելով։
Ամերիկյան լրատվամիջոցների փոխանցմամբ, պետքարտուղարությունն օրերս սառեցրել է Դմիտրիևի դեմ սահմանված պատժամիջոցները, որպեսզի նա կարողանա ԱՄՆ մուտքի վիզա ստանալ։
Դմիտրիևի և Ուիտկոֆի բանակցությունները Մոսկվայի և Վաշինգտոնի առաջին ուղղակի շփումները կլինեն 2022 թվականից ի վեր։
