Վոլգոգրադի մարզը գիշերը ԱԹՍ զանգվածային հարձակման է ենթարկվել, հայտնել է շրջանի նահանգապետ Անդրեյ Բոչարովը՝ նշելով, որ հակաօդային պաշտպանության ուժերը անօդաչու սարքերի մեծ մասը խոցել են։
Բեկորների անկման հետևանքով Կրասնոարմեյսկի թաղամասում հրդեհ է բռնկվել, տուժածներ չկան։
Mash տելեգրամյան ալիքը գրել է, որ "Лукойл" նավթավերամշակման գործարանի մոտ խոտածածկ տարածք է հրդեհվել։ Astra-ն էլ հատնում է "Сарепта" երկաթուղային կայարանի մոտ՝ նավթավերամշակման գործարանից մի քանի կիլոմետր հեռավորության վրա գտնվող տարածքում հրդեհի մասին։
Ռուսաստանի պաշտպանության նախարարության տվյալներով՝ գիշերվա ընթացքում ընդհանուր առմամբ խոցվել է 126 անօդաչու թռչող սարք, մեծ մասը Վոլգոգրադի մարզում։
ԱԹՍ հարձակումների ֆոնին Վոլգոգրադի և Սարատովի օդանավակայանների աշխատանքը ժամանակավորապես դադարեցվել է։
Ուկրաինական կողմն էլ հաղորդում է, որ ռուսները թիրախավորել են Խերսոնի շրջանը, Խերսոնում առնվազն մեկ մարդ զոհվել է, Կրիվոյ Ռոգում՝ 14 մարդ է վիրավորվել։
