Լեռնային Ղարաբաղի նախկին ռազմաքաղաքական ղեկավարների գործով դատաքննությունը կսկսվի հունվարի 17-ին, հայտնում է ադրբեջանական ԱՊԱ գործակալությունը՝ տեղեկացնելով, որ գործով մեղադրյալները 15-ն են։
Իսկ ադրբեջանական մեկ այլ լրատվամիջոց 1news.az-ը հայտնում է, որ հունվարի 17 -ին տեղի է ունենալու Լեռնային Ղարաբաղի նախկին նախագահ Արայիկ Հարությունյանի և նախկին պետնախարար Ռուբեն Վարդանյանի գործով նախնական դատավարությունը։ Այդ օրը որոշվելու է՝ դատաքննությունը բաց, թե փակ ձևաչափով է տեղի ունենալու։
Արայիկ Հարությունյանին և Ռուբեն Վարդանյանին մեղադրանքներ են առաջադրվել մի շարք ծանր հոդվածներով։ Նրանց սպառնում է ցմահ ազատազրկում։ Վարդանյան ընտանիքի միջազգային իրավախորհրդատու Ջարեդ Գենսերը հայտարարել է, որ մեղադրանքները շինծու են և քաղաքական։
