Ռուսաստանը չի քննարկում իր տարածքով և Ուկրաինայի գազատրանսպորտային համակարգի միջոցով ադրբեջանական գազը սվոփային տարբերակով եվրոպական շուկաներ արտահանելու հնարավորությունը, այսօր լրագրողների հետ զրույցում հայտարարել է Ռուսաստանի փոխվարչապետ Ալեքսանդր Նովակը։
Ռուսական գազի արտահանումը Ուկրաինայի տարածքով դադարեցվել էր հունվարի 1-ին։
Դրանից հետո պաշտոնական Կիևը առաջարկել էր իր տարածքով անցնող խողովակաշարերն օգտագործել ադրբեջանական գազի տարանցման համար։
Այս տարբերակի հավանականության մասին էր խոսել նաև Սլովակիայի ԱԳ նախարար Յուրայ Բլանարը՝ նշելով, որ Բրյուսելի և Ուկրաինայի միջև ընթացող բանակցությունների հիմնական թեմաներից մեկը հենց ադրբեջանական գազի տարանցումն է։
