Իրանում Ռուսաստանի դեսպանատունը իր քաղաքացիներին հորդորել է երկրից դուրս գալ Հայաստանի կամ Ադրբեջանի տարածքով:
Իսրայելում արտակարգ դրություն է հայտարարվել: Արգելել են հասարակական հավաքույթները, փակվել են դպրոցներն ու աշխատատեղերը, հիվանդները տեղափոխվել են ստորգետնյա տարածքներ:
Իրավիճակը՝ լուսանկարներով
Իրանական Մինաբա քաղաքում աղջիկների դպրոցի ուղղությամբ հարվածի հետևանքով զոհվել է առնվազն 57 աշակերտ, ևս 60-ը վիրավորվել են, հաղորդում է իրանական IRNA-ն:
Նահանգապետ Մոհամմադ Ռադմերը հայտնել է, որ 53 աշակերտ դեռ փլատակներում են, ընթանում են փրկարարական աշխատանքներ:
Իրանի պաշտպանության նախարար Ամիր Նասիրզադեն և Իսլամական հեղափոխության պահապանների կորպուսի հրամանատար Մոհամմեդ Փաքպուրը ենթադրաբար զոհվել են ԱՄՆ-ի և Իսրայելի հարվածների հետևանքով, գրում է Reuters-ը։ Գործակալությունը հղում է անում Իսրայելի ռազմական գործողություններին ծանոթ երկու և մեկ տարածաշրջանային աղբյուրների:
Իրանի արտգործնախարարն ասել է, որ Իրանը գուցե կորցրել մի քանի հրամանատարներ, «բայց դա այդքան էլ մեծ խնդիր չէ»: Աբբաս Արաղչին հայտարարել է, որ Իրանի գործողություններն օրինական են, քանզի արվում են ինքնապաշտպանության նպատակով: Թեհրանը նաև չի հրաժարվում իր իրավունքներից, այդ թվում՝ ուրանի հարստացման:
Նա անդրադարձել է Իրանում իշխանափոխության մասին Թրամփի հայտարարությանը՝ պնդելով, որ դա անհնար է: Նաև հերքել է ԱՄՆ նախագահի պնդումը, թե Իրանը ԱՄՆ տարածքին հարվածելու հնարավորություն ունի և կարող է հաստատել, որ Իրանը չի ստեղծի հրթիռներ, որոնք կարող են հասնել ԱՄՆ:
Արաղչին նշել է, որ տեսնում է համաձայնության հասնելու հնարավորություն, որը կարող է երաշխավորել, որ Իրանի միջուկային ծրագիրը խաղաղ նպատակներ ունի։
Al-Alam հեռուստաընկերության փոխանցմամբ՝ Իրանի հոգևոր առաջնորդ այաթոլլա Ալի Խամենեին այսօր ուղերձով հանդես կգա:
Ֆրանսիայի խնդրանքով ՄԱԿ-ի Անվտանգության խորհուրդի նիստ տեղի կունենա այսօր ժամը 21:00-ին՝ Իրանում և Մերձավոր Արևելքում ստեղծված իրավիճակը քննարկելու համար, հայտարարել է Ֆրանսիայի արտաքին գործերի նախարար Ժան-Նոել Բարոն։
Իրանական Մինաբա քաղաքում աղջիկների դպրոցի ուղղությամբ հարվածի հետևանքով զոհերի թիվը հասել է 85-ի, հայտնում են պետական լրատվամիջոցները:
Ավելի վաղ հաղորդվել էր 57 զոհի և 60 վիրավորի մասին:
ԱՄՆ նախագահ Դոնալդ Թրամփը հեռախոսազրույց է ունեցել Իսրայելի վարչապետ Բենյամին Նեթանյահուի հետ, հայտնել Է Սպիտակ տան մամուլի քարտուղար Քերոլայն Լևիթը:
Նա հավելել է՝ Թրամփն ազգային անվտանգության հարցերով իր թիմի հետ կշարունակի ուշադիր հետևել Իրանում տիրող իրավիճակին: