Քուվեյթի ավիացիոն վարչությունը մինչև հետագա ծանուցումը դադարեցրել է դեպի Իրան բոլոր թռիչքները:
Երևանի «Զվարթնոց» օդանավակայանի չվացուցակի համաձայն՝ ուշացումներ են նախատեսված Դուբայից, Աբու Դաբիից և Քուվեյթից մեկնող և ժամանող թռիչքների համար:
Վերջին շաբաթներին Վաշինգտոնն ու Թեհրանը մի շարք բանակցություններ են անցկացրել Իրանի միջուկային ծրագրի շուրջ: Դրանցից վերջինը տեղի է ունեցել հինգշաբթի օրը և հաջողությամբ չի պսակվել։
«Իրանը հրաժարվել է, ինչպես և տասնամյակներ շարունակ։ Նրանք մերժել են իրենց միջուկային հավակնություններից հրաժարվելու ցանկացած հնարավորություն, և մենք այլևս չենք կարող դրա հետ հաշտվել», - հայտարարել է Թրամփը։
Միացյալ Նահանգները ծրագրում է մի քանի օր հարվածներ հասցնել Իրանին, հայտնում է CNN-ը ՝ հղում անելով երկու աղբյուրի:
Իրաքի տրանսպորտի նախարարությունը հայտարարել է, որ փակել է ազգային օդային տարածքը:
Իրանի վրա սկսված ամերիկա-իսրայելական համատեղ հարձակումը «պայմաններ կստեղծի, որ Իրանի խիզախ ժողովուրդն իր ճակատագիրն իր ձեռքը վերցնի», հայտարարել է Իսրայելի վարչապետ Բենյամին Նեթանյահուն:
Նրա խոսքով՝ Թել Ավիվն ու Վաշինգտոնը ցանկանում են, որ բռնապետության լուծը հանվի Իրանից:
Նա նշել է, որ Իսրայելը և ԱՄՆ-ի գործողությունը նպատակ ունի վերացնել Իրանի ահաբեկչական ռեժիմի կողմից առաջադրված գոյաբանական սպառնալիքը։
Իրանի Իսլամական հեղափոխության պահապանների կորպուսը, Tasnim-ի հաղորդմամբ, հայտարարել է հրթիռային հարվածների և անօդաչուների հարձակումների առաջին ալիքին, որոնք հասցվել են Իսրայելին:
ԱՄՆ-ն իր գործողություններն անվանել է «Էպիկ ցասում», Իսրայելը՝ «Առյուծի մռնչոց», Իրանը՝ «Խայբարի մարտ» կամ «Փոթորիկի վերջը»:
Իսրայելի ու ԱՄՆ-ի համատեղ հարվածներից հետո Իրանում գրեթե ամբողջությամբ խափանված է ինտերնետը, կապի հասանելիությունը մոտ չորս տոկոս է, հայտնում է Նեթբլոքսը:
X սոցիալական ցանցում լուսանկարներ են տարածվում Իրանի՝ հարձակման ենթարկված նախագահական պալատից: Պաշտոնյաները հայտարարում են, որ նախագահ Մասուդ Փեզեշքիանը գտնվում է անվտանգ վայրում: