Արցախի Մարտակերտի շրջանում ականի պայթյունից ևս մեկ ադրբեջանցի է վիրավորվել։ Այս մասին հաղորդում է APA գործակալությունը՝ վկայակոչելով Ադրբեջանի ներքին գործերի նախարարությանը, Գլխավոր դատախազությանն ու ականազերծման գործակալությանը։
Այս գերատեսչությունների տեղեկություններով՝ միջադեպը տեղի է ունեցել այսօր Սրխավենդ գյուղի մերձակա չականազերծված տարածքում։
«Պայթյունի հետևանքով Բարդայի շրջանի բնակիչ 35-ամյա Նաթիգ Ալիևը ոտքի վնասվածք է ստացել», - հաղորդում է APA-ն։
