Չինաստանը, Մեքսիկան, Եվրոպական Միությունը, Ճապոնիան, Կանադան, ինչպես նաև բազմաթիվ ավիաընկերություններ և ավիատիեզերական ընկերություններ ամբողջ աշխարհում հորդորել են ԱՄՆ նախագահ Թրամփի վարչակազմին չսահմանել նոր մաքսատուրքեր ներմուծվող քաղաքացիական ինքնաթիռների և դրանց պահեստամասերի վրա՝ ազգային անվտանգության նկատառումներով: Այս մասին գրում է Reuters-ը՝ հղում անելով երեքշաբթի հրապարակված փաստաթղթերին։
Առանձին ամերիկյան Boeing ընկերությունը շեշտել է մայիսին Բրիտանիայի հետ ձեռք բերված առևտրային համաձայնագրի մասին, որը երաշխավորում է ինքնաթիռների և պահեստամասերի մաքսազերծ ներմուծումը։
«ԱՄՆ-ը պետք է ապահովի քաղաքացիական ինքնաթիռների և դրանց պահեստամասերի մաքսազերծ մուտքը ցանկացած բանակցվող առևտրային համաձայնագրի շրջանակում, ինչպես դա արվել է Միացյալ Թագավորության հետ», - ասված է Boeing-ի՝ ԱՄՆ-ի Առևտրի նախարարությանը ներկայացված և երեքշաբթի հրապարակված դիմումում։
